Гуырдзиаг-ирон арæнтæм хæстæг цæрæн пункт Ергнеты уагъд æрцыд Инциденттæ ма ‘руадзын æмæ сæм хъусдард аздахыны фæдыл механизмты радон рабадт. Банысан кæнын хъæуы уый, æмæ хуссарирыстойнаг делегацийæн механизмты куысты ныр кæй ис ног сæргълæууæг – Фæсконфликтон бæстонкæнынады фæдыл æххæстбарджын минæвары хæдивæг Коцты Егор.
Механизмты куысты фæстиуджытыл дзургæйæ, Коцты Егор банысан кодта, зæгъгæ, дзырд цыд арæнты æдасдзинады фарстытыл. Фæстаг фембæлдæй фæстæмæ гуырдзиаг фарсæрдыгæй паддзахадон арæнтыл хизыны фæтк чи фехæлдта, уыдон нымæц у 8. Уыцы нымæцы ис гуырдзиаг сауджын дæр, кæцы сæрибар æрцыд æнæ иварæй.
Хуссарирыстойнаг делегацийы сæргълæууæджы ныхæстæм гæсгæ ма механизмты куысты уынаффæ цыд паддзахадон арæнты демаркаци æмæ делимитацийыл, арæнгæрон районты территоритыл хус кæрдæг ссудзыны цаутæ ма æруадзыныл.
Гуырдзиаг информацион фæрæзтæ цымыдис кодтой Арчил Тъатъунашвилийы амæлæты хъуыддагмæ. Коцты Егор ноджыдæр бамбарын кодта, хуссарирыстойнаг æмæ уæрæсейаг экспертизæ хорз бæлвырдгæнæн кæй радта ацы æмбæстаджы мæлæты тыххæй.
«Ацы фембæлды гуырдзиаг фарс фехъусын кодта, кæй сын ис сæхи медицинон бæлвырдгæнæн нæй Тъатъунашвилийы амæлæты аххосæгты фæдыл. Фæлæ уыцы бæлвырдгæнæн нæдæр махмæ, нæдæр ЕÆÆО-йы минæвæрттæм æмæ нæдæр Евроцæдисы миссийы хъусдарджытæм æрцыд лæвæрд. Раст зæгъгæйæ нæ нæдæр хъæуы. Уымæн æмæ цы медицинон бæлвырдгæнæнимæ лæвæрд æрцыд йæ мард буар, уым æппæтдæр уыд лæмбынæг фыст», – банысан кодта Егор æмæ ма йæ ныхасмæ бафтыдта, æххæстæй кæй æууæнды Хуссар Ирыстоны цы экспертизæ арæзт æрцыд, уый фæстиуджытыл.
Уый ма куыд дзырдта, уымæ гæсгæ, «гуырдзиаг экспертизæйыл баууæндон æви нæ, уый фадат мын нæй, уымæн æмæ йæ цæстæй дæр нæ федтон, стæй дæр мын ницы бындур ис йæ рæстдзинад бæлвырд кæнынæн, уымæн æмæ уыцы æмбæстагæн йæ амæлæты фæстæ арæзт æрцыд лæмбынæг медицинон экспертизæ.
Хуссарирыстойнаг минæвар ма æнæразыдзинад равдыста, гуырдзиаг мыхуыры фæрæзты дæр куыд фыссынц, ома Тъатъунашвилийы буарыл уыд сæдæйы бæрц нуæсы. Сæ зонæнтæм гæсгæ йын уыдон раздæр нæ уыдысты.
Нæ уацх.
Comments are closed, but trackbacks and pingbacks are open.