Республикæ Хуссар Ирыстоны Президент Бибылты Анатоли фембæлд Луганскы Адæмон Республикæйы экономикон рæзты министр Елена Костенкоимæ.
Фембæлды ма хайад райстой Луганскы Адæмон Республикæйы экономикон рæзты министры хæдивæг Светлана Подлипаева, Луганскы Адæмон Республикæйы Базарадон-сæудæджерадон палатæйы президент Анатолий Чеха, РХИ-йы экономикон рæзты министр Кокойты Геннади, йæ хæдивæг Козаты Роин æмæ РХИ-йы Базарадон-сæудæджерадон палатæйы президент Æлборты Алан.
Паддзахады сæргълæууæг раарфæ кодта уазджытæн æмæ йæ цæст бауарзта æфсымæрон Луганскы Адæмон Республикæйы адæмæн сабырад.
«Мах нæ хъус дарæм Луганскы Адæмон Республикæйы цы хабæрттæ цæуы, уыдонмæ. Уыдон æнгæс сты Хуссар Ирыстоны территорийыл 20 азы дæргъы цы хабæрттæ цыд, уыдонимæ», – загъта Президент æмæ æрсидт фембæлды хайадисджытæм, цæмæй дыууæварсон ахастытæ уæрæхдæр кæной.
«Нæ иумиаг куыст нын хъуамæ хорз фæстиуджытæ дæтта Луганскы Адæмон Республикæйы æмæ Республикæ Хуссар Ирыстоны адæмы хæрзиуæгæн», – загъта паддзахады сæргълæууæг.
Йæ рады Елена Костенко Луганскы Адæмон Республикæйы сæргълæууæджы хæстæ æххæстгæнæг Леонид Пасечникы номæй арфæйы ныхæстæ загъта РХИ-йы Президент æмæ республикæйы адæмæн.
«Нæ профилон министрадты ‘хсæн цы плæнттæ нысан æрцыдысты, уыдон æнæмæнгæйдæр, скъуыддзаг æрцæудзысты», – загъта Елена Костенко.
Уый ма банысан кодта, «Выставка достижений народного хозяйства Луганской Народной Республики-2017»-мæ Хуссар Ирыстоны минæвæртты балцы рæстæджы уагъд кæй æрцыд бирæ кусæгон фембæлдтытæ, куыд профилон министрадты æмæ ведомствæты минæвæрттимæ, афтæ фадыджы минæвæрттимæ дæр.
Бибылты Анатоли банысан кодта, Хуссар Ирыстон цæттæ кæй у дыууæ республикæты æнгом чи кæны, уыцы плæнттæ сæххæст кæнынæн алыварсонæй æххуыс кæнынмæ.
«Мæ хъуыдымæ гæсгæ, нæ республикæты базарадон-сæудæджерадон палатæты ‘хсæн бирæ иу-миаг проекттæ реализаци æрцæудзысты», – загъта Бибылты Анатоли.
Паддзахады сæргълæууæг банысан кодта æхсæнпаддзахадон сразыдзинæдтыл къухтæ æрфыссыны фарстыл бакусыны æнæмæнг-хъæуындзинад.
«Мах стæм æфсымæрон республикæтæ æмæ хъуамæ сразыдзинæдтыл нæ къухтæ фыссæм, кæ-цытæ сбæрæг кæндзысты нæ ахастыты юридикон бындур», – загъта Президент
Фембæлды рæстæджы дыууæ фарс дæр кæрæдзийæн бакодтой зæрдылдарæн лæвæрттæ.
Банысан кæнын хъæуы, Луганскы Адæмон Республикæйы делегаци Хуссар Ирыстоны кæй уыд кусæгон балцы, цæмæй æруынаффæ кæной дыууæ республикæты ‘хсæн базарадон бастдзинæдты райрæзт æмæ экономикон æмгуыстады гæнæнтыл.
Ацы æрмæджытæ дæр бакæс:
Денис Мирошниченко æмæ Гасситы Петр дидинджытæ сæвæрдтой Луганскы цыртытыл
Луганскы Адæмон Республикæйы Сæргълæууæг Леонид Пасечникы официалон балц республикæмæ
Бадзырдтой æмгуыст кæныны тыххæй
Президенты базонгæ кодта делегацийы балцы фæстиуджытимæ
Фембæлдтытæ Республикæйы боны бæрæгбонмæ æрцæуæг делегацитимæ
Comments are closed, but trackbacks and pingbacks are open.