Денис Пушилин: 1989 азы 23 ноябрь у хæдбардзинадыл тох кæныны райдианы бон

Донецкы Адæмон Республикæйы сæргълæууæг Денис Пушилин раарфæ кодта Президент Бибылты Анатолийæн Æхсардзинады æмæ адæмон иудзинады боны цытæн.

Арфæйы дзырдæуы:

«Цытджын Анатоли Ильяйы фырт!

1989 азы 23 ноябрь у хæдбардзинадыл тох кæныны райдианы бон. Уыцы бон Ирыстоны æвзонг патриоттæ цы сгуыхтдзинад равдыстой, гуырдзиаг маршæн сæ фæндаг æрæхгæнгæйæ, уый цалдæр азы фæстæ æркодта кæронбæттæн уæлахизмæ.

Уый уыд зын фæндаг. Сæ адæмы сæрибардзинады тыххæй сæ цард радтой Хуссар Ирыстоны хуыздæр лæппутæ.

Республикæйы адæм бавзæрстой блокадæ æмæ хæстон архайдтыты уæззау фæстиуджытæ, фæлæ бахъахъхъæдтой фыдæлты бынтæ æмæ сæ истори, райстой сæ бæстæйы хъысмæт сæхæдæг скъуыддзаг кæныны бар.

Абон ды дæ ‘мхъуыдыгæнджытимæ иумæ нысан кæныс Æхсардзинады æмæ адæмон иудзинады бæрæгбон. Донбасы цæрджытæ сæрыстыр сты, сæ бон кæй у  Хуссар Ирыстон æфсымæрон бæстæ схонын, æмæ алыхатт дæр бузныг уыдзысты уе ‘ххуысы тыххæй.

Донецкы Адæмон Республикæйы æппæт æмбæстæгтæй æмæ сæрмагондæй мæхи номæй бузныджы ныхæстæ зæгъын Хуссар Ирыстоны æхсарджын хъайтартæн, кæцытæ Донецкы зæххыл цы бæллæх æрцыд, уый райстой, куыд сæхи сæрмагонд, афтæ. Фæрсæй-фæрстæм уыдон æрлæууыдысты республикæйы хъахъхъæнджытимæ украинаг гарзджын тыхты ныхмæ.

Абон Республикæ Хуссар Ирыстон цæуы перспективон рæзты фæндагыл, культурон-историон традицитæ хъахъхъæнгæйæ. Райгуырæн зæхмæ уарзондзинад, ирон адæмы фæлмæнзæрдæ æмæ уазæгуарзондзинад сты тыхджын паддзахад аразыны хъуыддаджы ног æнтыстыты бындур. Ныфс мæ ис, нæ бæстæты ‘хсæн хæларадон бастдзинæдтæ кæй фидар кæндзысты сабырад æмæ дидинæфтыды сæраппонд.

Цытджын Анатоли Ильяйы фырт, мæ цæст дын уарзы амонд, фæрныгад, æнтыстытæ! Хуссар Ирыстоны æппæт цæрджытæн та фидар æнæниздзинад, сабырад, æмæ фæрныгад сæ хæдзæртты!