Дарддӕр цӕуы гуырдзиаг «брӕтты» утилизаци…

Сусӕггаг никӕмӕн у, гуырдзиаг ӕххуырст хӕстонтӕ, Украинӕйы Уӕрӕсейы сӕрмагонд ӕфсӕддон операци куы райдыдта, уӕдӕй  фӕстӕмӕ кӕй исынц хайад Украинӕйы хӕсты ӕмӕ иудадзыг кӕй «стауынц» сӕхи интернет-тыгъдады.

Кӕд сын афтӕ схонӕн ис, уӕд уыцы адӕмӕн сӕ бӕрӕг фылдӕр хай сты, «Гуырдзиаг националон легион»-ӕй, кӕцы 2014 азӕй фӕстӕмӕ ис Украинӕйы ӕмӕ нымад цӕуы бархионты дӕлхайыл, ӕмӕ йӕ бындурӕвӕрӕг та у Мамука Мамулашвили. Уыцы бархионты дӕлхайӕн йӕ сӕйраг хӕстӕ сты развӕдсгарӕн ӕмӕ диверсион операцитӕ ӕххӕст кӕнын.

Фӕлӕ ӕвзӕры фарст: цӕмӕн сӕ хъӕуы уыдӕтты сӕр?

Ацы фарстӕн ис хуымӕтӕджы дзуапп – ӕхца ӕмӕ сӕм Гуырдзыстоны чи ӕнхъӕлмӕ кӕсы, уыцы расттӕрхонадӕй хи бааууон кӕнын. Уыдонӕй чидӕртӕ Украинӕмӕ ӕрцыдысты сӕ политикон карьерӕ сӕндидзын кӕныны ныфсӕй, фӕлӕ дзы бирӕтӕн нӕ бантыст сӕ нысӕнттӕ сӕххӕст кӕнын, уымӕн ӕмӕ сӕ мӕлӕт арынц дӕсгӕйттӕй.

Бӕлвырдӕрцӕуӕг гуырӕнтӕй (легионы уӕнгтӕ кӕрӕдзимӕ кӕй ӕрвыстой, уыцы фыстӕджытӕ) куыд бӕрӕг у, афтӕмӕй алы гуырдзиаг ӕххуырстӕн дӕр Украинӕ ӕрвылмӕй фиды 250 гривены. Фӕлӕ уыдонӕй алкӕмӕн дӕр  сӕ лидер Мамука Мамулашвили фиды ӕрмӕстдӕр фӕйнӕ 140-160 гривены, иннӕты, куыд фӕзӕгъынц, ӕрвиты «бизнес рӕзын кӕнынмӕ». Уый нӕ, фӕлӕ, йӕхӕдӕг сӕрмагондӕй иу хатт дӕр хайад нӕ райста хӕстон архайдтыты, куыста ӕрмӕстдӕр ӕххуырст хӕстонтӕ цӕттӕ кӕнын ӕмӕ сӕ Украинӕмӕ ӕрвитыныл. Æмӕ, бӕрӕг куыд у, афтӕмӕй ацы хъуыддаджы ӕгуыстӕй нӕ бады!..

Мӕнӕ  уыцы «биологон брӕтты» номхыгъдӕй иу чысыл скъуыддзаг, кӕцыты скуынӕг кодтой Уӕрӕсейаг ӕфсӕдтӕ, ӕмӕ уымӕй ӕвӕджиауы  хорзы бацыдысты, куыд Уӕрӕсейы адӕмӕн, афтӕ Хуссар Ирыстоны адӕмӕн дӕр (уыдон се ‘ппӕт дӕр хайад истой 2008 азы хӕсты ӕмӕ бӕрӕг дардтой уӕлдай сырдон ахастӕй):

 

Давид Менабдишвили,

Николоз Шанава,

Давид Гобеджишвили,

Гия Бериашвили,

Давид Ратиани,

Бахва Чикобава.

Къамты кӕй уынӕм, уыдонӕн дӕр сӕ къамтӕ удӕгасӕй ист ӕрцыдысты, иннӕтӕй базонӕн дӕр никӕмӕнуал уыд, онггай чи бацис, уыцы мӕрдты ӕмбырд дӕр ничиуал ӕркодта, афтӕмӕй сӕ трактортӕй бахафтой бронкалӕн уӕрмытӕм.

Æрӕджы дзыллон-информацион фӕрӕзтӕ куыд фехъусын кодтой, афтӕмӕй Украинӕйы уӕвӕг гуырдзиаг ӕххуырстытыл иумӕйаг къухдариуӕггӕнӕг, Гуырдзыстоны раздӕры хъахъхъӕнынады министр Иракли Окруашвили сфӕнд кодта йӕ райгуырӕн бӕстӕмӕ ӕрцӕуын. Æгӕрыстӕмӕй польшӕйаг-украинаг паддзахадон арӕнгӕрон пункты йӕ къам дӕр систа ӕмӕ йӕ социалон хызӕджы сӕвӕрдта ахӕм фыстимӕ: «тагъд ӕрыздӕхдзысты иннӕ гуырдзиӕгтӕ дӕр».

Куыд зыны, афтӕмӕй легион тӕнӕгӕй-тӕнӕгдӕр кӕны, ӕмӕ йӕ лидертӕм кӕсгӕйӕ та ӕмбӕрстгонд у, кӕй ма дзы баззад, чи никӕйуал хъӕуы, ахӕм бандӕ.

Кӕй зӕгъын ӕй хъӕуы, уыцы «брон» гуырдзиаг адӕмы цӕсгом ӕвдисӕгыл нӕ нымайынц, сӕхимӕ дӕр, дам, сыл ӕлгъ кӕнынц. Фӕлæ уал… Цӕуынц куынӕг ӕмӕ утилизаци…!