Республикæ Хуссар Ирыстоны Президент Бибылты Анатоли арвыста Боливариаг Республикæ Венесуэлайы Президент Николас Мадуройæн бузныджы фыстæг, Боливариаг Республикæ Венесуэла РХИ-йы паддзахадон хæдбардзинад куы банымадта, ууыл 10 азы сæххæсты цытæн.
Фыстæджы дзырдæуы:
«Цытджын Президент!
Раст дæс азы размæ Боливариаг Республикæ Венесуэла банымадта РХИ-йы паддзахадон хæдбардзинад.
Венесуэлайы къухдариуæгад цы уынаффæ рахаста банымады тыххæй, уый бындуриуæг кæны æхсæнадæмон реалиты сæвзæргæ арф æмбарынады æмæ банысан кодта гом æмæ фидар æххуыс Хуссар Ирыстоны адæмæн рæстдзинадыл тохæн хæдуагæвæрд æмæ сæрибардзинады барты тыххæй.
Хуссар Ирыстоны стыр аргъ кæнынц хæ-лардзинад æмæ сæрибаруарзæг венесуэлайаг адæмимæ, æмæ цасфæнды рæстæг ма ра-цæуа, алыхатт дæр бузныджы æнкъарæнтимæ мысдзысты аргъ кæмæн нæй, уыцы æххуысæн, кæцы арæзт æрцыд Республикæ Ве-несуэлайы къухдариуæгад æмæ адæмæй не ‘взонг паддзахады историйы иууыл зындæр рæстæджы.
Ныфс мæ ис, хæларадон ахастыты дарддæры рæзт кæй ахъаз кæндзæн дыууæварсон партнерон ахастытæ рæзын æмæ уæрæх кæ-нынæн.
Мæ цæст уын уарзы фидар æнæниздзинад, фæрныгад, æнтыстытæ, Республикæ Венесуэлайы æфсымæрон адæмæн та – æмзæрдæдзинад, сабырад æмæ дидинæфтыд»
Comments are closed, but trackbacks and pingbacks are open.