Боливариаг Республикæ Венесуэлæйы, г.Каракасы Президент Николас Мадуро Моросæн

Цытджын Президент!

Республикæ Хуссар Ирыстоны къухдариуæгад, йæ адæм æмæ сæрмагондæй мæхи номæй дын зæрдæбын арфæ кæнын, Боливариаг Республикæ Венесуэлæйы Президенты бынатмæ ногæй æвзæрст кæй æрцыдтæ, уый цытæн.

Æвзæрстыты фæуæлахиз уæвыны хъуыддаг æвдисæн у, ды номдзыд кæй дæ, куыд паддзахады сæргълæууæг æмæ  национ раздзог, æмæ дыл Венесуэлæйы адæм  кæй æууæндынц,уымæн.

Ныфс мæ ис, ногæй æвзæрст кæй æрцыдтæ, уыимæ мах кæй фендзыстæм Республикæ Хуссар Ирыстон æмæ Боливариаг Республикæ Венесуэлæйы ‘хсæн дарддæры ахастытæ сфидар æмæ райрæзын кæныны хъуыддаг.

Мæ цæст дын уарзы æнæниздзинад, амонд æмæ æнтыстытæ Президенты бынаты бæрнджын паддзахадон архайды, Венесуэлæйы хæларадон адæмæн та – фæрныгад æмæ дидинæфтыд.

Республикæ Хуссар Ирыстоны Президент Бибылты Анатоли

 

***

Уæрæсейы Федерацийы хъахъхъæнынады министр,

     армийы инæлар Сергей Шойгуйæн

Цытджын Сергей Кужугеты фырт!

Айс мын мæ иууыл зæрдиагдæр арфæтæ дæ гуырæн боны цытæн!

Ды дæ уыцы æхсарджын æмæ æцæг профессионалон адæймæгты къордæй, кæцытæ цыфæнды уавæрты дæр хисæрмагонд цæвиттонæй  æвдисынц фæразондзинад, службæйы æндыгъд куыстæн удуæлдай лæггад кæнын Райгуырæн бæстæйы интерестæн.

Ныфс мæ ис, хъуыддагыл æнувыддзинад  æмæ дæ принципиалондзинад дын дарддæр дæр кæй æххуыс кæндзысты дæ бæрнджын æмæ зын архайды дæ адæмы хæрзиуæгæн.

Дæ гуырæн боны дын, цытджын Сергей Кужугеты фырт, мæ цæст уарзы фидар æнæниздзинад, фæрныгад æмæ хæрзиуæг.

Республикæ Хуссар Ирыстоны Президент Бибылты Анатоли

 

***

Уæрæсейы Федерацийы Генералон прокурор   Юрий Чайкайæн

Цытджын Юрий Яковы фырт!

Айс мын мæ иууыл зæрдиагдæр арфæтæ дæ гуырæн боны цытæн.

Бирæ азты дæргъы дæ архайд баст у закъондзинад сфидар кæнынимæ, Райгуырæн бæстæйы æмæ уæрæсейаг адæмы интерестæн лæггад кæныныл.

Уыимæ иумæ ды архайыс, цæмæй æхсæнады царды сфидар уой хæрзуагон бындуртæ. Дæ æмбæстаджы активон позици æмæ закъондзинады принциптыл æнæфæцудгæ æнувыддзинад ахъаз кæнынц прокуратурæйы стабилон æмæ эффективон куыстæн Уæрæсейы хæрзиуæгæн.

Ныфс мæ ис, дæ хъуыддагыл Фыдыбæстæйыл æнувыддзинад дын дарддæр дæр кæй æххуыс кæндзысты дæ бæрнджын æмæ зын куысты.

Дæ гуырæн боны дын, цытджын Юрий Яковы фырт, мæ цæст уарзы фидар æнæниздзинад, фæрныгад æмæ æнтыстытæ.

Республикæ Хуссар Ирыстоны Президент Бибылты Анатоли

 

***

Мæскуыйаг æмæ æппæт Уæрæсейы Патриах Кириллæн

Дæ бæрзонддзинад!

Дæ гуырæн боны цытæн дын æрвитын иууыл зæрдиагдæр арфæтæ.

Куыд Уæрæсейаг Чырыстон аргъуаны сæргълæууæг, афтæ дæ хъазуатон куыст у Райгуырæн бæстæйæн лæггад кæныны цæвиттон. Куыд Сæйраг рухсхæссæг, афтæ де ‘вæллайгæ куыстæн аккаг аргъ кæнынц куыд Уæрæсейы, афтæ йæ фæсарæнты дæр.

Ацы нысаниуæгджын бон дын мæ цæст уарзы æнæниздзинад æмæ удыхъару, Сæйраг рухсхæссæгæй дæ  куысты.

Стыр цытимæ.

Республикæ Хуссар Ирыстоны Президент Бибылты Анатоли

 

***

Республикæ Хуссар Ирыстоны Хицауады Сæрдар Пухаты Эрик раарфæ кодта Сергей Чаботаревæн Цæгат Кавказы хъуыддæгты фæдыл Уæрæсейы Федерацийы министры бынатмæ нысан кæй æрцыд, уый тыххæй.

Арфæйы фыстæджы дзырдæуы:

«Цытджын Сергей Викторы фырт!

Айс мын мæ иууыл зæрдиагдæр арфæтæ Цæгат Кавказы хъуыддæгты фæдыл министры бынатмæ дæ снысан кæныны тыххæй.

Дæ бирæазон профессионалон фæлтæрддзинад, хъуыддагон æмæ сæрмагонд миниуджытæ дын ахъаз кæндзысты, цы регионтæн дæ бæрнджын, уыдоны хæрзиуæгæн эффективон куыст кæнынæн, сæ социалон-экономикон потенциал реализаци кæнынæн æппæтдæр аразынæн.

Ныфс мæ ис, дæ зонындзинæдтæ æмæ тырнындзинад кæй ахъаз кæндзысты Республикæ Хуссар Ирыстон æмæ Уæрæсейы Федерацийы ‘хсæн дыууæварсон æмгуыстад фæуæрæхдæр кæнынæн.

Зæрдæбынæй дын мæ цæст уарзы, цытджын Сергей Викторы фырт,  æнтыстджын куыст дæ бæрнджын куысты, дæ разы дын цы хæстæ æрæвæрдтой, уыдон сæххæст кæнын, æнæниздзинад, циндзинад æмæ фæрныгад».

Республикæ Хуссар Ирыстоны Хицауады Сæрдар Пухаты Эрик

Comments are closed, but trackbacks and pingbacks are open.