Президент Гаглойты Алан раарфæ кодта Боливариаг Республикæ Венесуэлæйы Президент Николас Мадуройæн Хæдбардзинады боны цытæн.
Арфæйы телы дзырдæуы:
«Цытджын Президент!
Республикæ Хуссар Ирыстоны адæм æмæ сæрмагондæй мæхи номæй арфæ кæнын дæуæн æмæ æппæт венесуэлæйаг адæмæн Боливариаг Республикæ Венесуэлæйы хæдбардзинады боны цытæн.
Дæ къухдариуæгады бын цы политикæ уагъд цæуы, уый у фидар бындур Боливариаг Республикæ Венесуэлæйы дарддæры рæзтæн, афтæ ма гом кæны уæрæх фадæттæ нæ бæстæты ‘хсæн æнтыстджын æмгуыстадæн.
Ирыстоны адæм бузныджы æнкъарæнтимæ сæ зæрдыл дарынц æнæсаргъгæнгæ æххуыс, кæцы Венесуэлæ сарæзта нæ республикæйæн, Хуссар Ирыстоны банымайгæйæ, куыд хæдбар æмæ суверенон паддзахад.
Мæхи фарсырдыгæй ныфс æвæрын, цытджын Президент, Хуссар Ирыстон стыр аргъ кæй кæны Боливариаг Республикæ Венесуэлæимæ хæлардзинадæн æмæ здæхт у хæларадон æхсæнпаддзахадон ахастыты дарддæры рæзтмæ, нæ бæстæты ‘хсæн æмгуыстад, кæрæдзийæн пайдахæссæг проекттимæ.
Мæ цæст дын уарзы, цытджын Президент, фидар æнæниздзинад, æвидигæ энерги, ног æнтыстытæ æмæ æппæт банысангонд плæнтты реализаци, Венесуэлæйы адæмæн та – сабырад, æнтыстытæ æмæ фæрныгад».
***
Президент Гаглойты Алан раарфæ кодта Республикæ Беларусы Президент Александр Лукашенкойæн Республикæ Беларусы хæдбардзинадыл 26 азы сæххæсты боны цытæн.
Арфæйы телы дзырдæуы:
«Цытджын Александр Григорийы фырт!
Республикæ Хуссар Ирыстоны адæм æмæ сæрмагондæй мæхи номæй арфæ кæнын дæуæн æмæ Беларусы адæмæн Республикæ Беларусы хæдбардзинадыл 26 азы сæххæсты цытæн.
3-æм июлы бон, кæцы баст у 1944 азы Минск нацисттæй ссæрибар кæнынимæ, нысаниуæгджын у æрмæст белорусæгтæн нæ, фæлæ æппæт махæн. Ацы æппæтадæмон бæрæгбон æвдисы историйы хъайтарон фæрстæ белорусты сæрибардзинадыл тох кæнын, райгуырæн зæххыл цæрыны бар.
Беларусийæн бантыст паддзахаддзинад сфидар кæнын æмæ экономикон рæзты. Беларусы суверенитетыл фидар иузæрдиондзинад Уæрæсеимæ æмцæдисон уæвгæйæ, дæтты фидар бындур национ хæстæ æнтыстджынæй скъуыддзаг кæнынæн, гом кæны фадæттæ Республикæ Беларусь æмæ нæ бæстæйы ‘хсæн æмархайдæн.
Ацы нысаниуæгджын боны дын, мæ цæст уарзы фидар æнæниздзинад, ног æнтыстытæ æмæ æппæт нысангонд плæнтты реализаци, кæцытæ здæхт сты бæстæйы ди-динæфтыдмæ, Республикæ Беларусы æппæт адæмæн та – сабырад æмæ фæрныгад».
Comments are closed, but trackbacks and pingbacks are open.