Республикæ Хуссар Ирыстоны Парламенты Сæрдар Гасситы Петр арфæйы фыстæг арвыста Венесуэлæйы Национ Ассамблейы Сæрдар Хулио Борхесæн Хæдбардзинады боны цытæн. Арфæйы фыстæджы дзырдæуы:

«Цытджын Хулио Борхес!

Стыр кады æнкъарæнтимæ æрвитын арфæтæ Венесуэлайы æппæт адæмæн Хæдбардзинады боны цытæн.

1811 азы 5 июлы Испанийæ Хæдбардзинады Декларацийыл къухтæ æрфыссын ссис гуманизмы идеяты æмæ сæрибардзинадыл тох кæныны символ, æмæ сæйраг национ идейæйæ расидт æрцыд хæдбар демократон паддзахад саразын. Венесуэлæйы къухдариуæгад йæ адæмимæ иумæ ныфсимæ цæуы сæрибар рæзты, йæ паддзахиуæгад сфидар кæныны æмæ мидхъуыддæгты æддагон хихæццæкæнынадæй хæдбардзинад бахъахъхъæныны фæндагыл фæсарæйнаг лæбурджытæй.

Мах стыр аргъ æмæ кад кæнæм нæ бæстæты ‘хсæн цы хæлардзинады æмæ æмгуыстады ахастытæ сæвзæрд, уыдонæн æмæ нæ ныфс ис уыдоны дарддæры райрæзтæй.

Мæ цæст дын уарзы, цытджын Хулио Борхес, фидар æнæниздзинад, фæрныгад, æнтыстытæ дæ хъуыддæгты, Венесуэлайы адæмæн та сабырад æмæ дидинæфтыдад.

***

Республикæ Хуссар Ирыстоны Паддзахадон автоинспекцийы цытджын кусджытæ æмæ ветерантæ!

Республикæ Хуссар Ирыстоны Парламенты æмæ сæрмагондæй мæхи номæй арфæ кæнын уæ профессионалон бæрæгбон – Паддзахадон автоинспекцийы боны цытæн!

Уæ куысты эффективондзинадыл баст у адæмы цард, домы стыр профессионализм, бæрндзинад æмæ хæрзæгъдаудзинад. Уæ профессионалон миниуджытæ æмæ республикæйы цæрджыты æдасдзинад сифтонг кæнынмæ уæ хайбавæрдæн ис стыр аргъ æмæ кад. Дырысдзинад æмæ оперативондзинад, фарстатæ скъуыддзаг кæнын фадат дæттынц фæндагон змæлды æдасдзинады паддзахадон инспекцийы кусджытæн фæндагон змæлды уагæвæрдмæ кæсын, фæндагон змæлды фæтк халыны цаутæ ма руадзын, кæцытæ тæссаг сты не ‘мбæстæгты æдасдзинадæн æмæ æнæниздзинадæн. Ныфс мæ ис, сымах алцыдæр кæй сараздзыстут, цæмæй мах нæ республикæйы фæндæгтыл нæхи æдасæй хатæм.

Бузныджы ныхæстæ мæ фæнды зæгъын Паддзахадон автоинспекцийы кусджытæн, кæцыты бирæазон службæ цæвиттойнаг у æвзонг кусджытæн.

Мæ цæст уын уарзы фидар æнæниздзинад, стыр профессионалон æнтыстытæ, сабырад, хорздзинад æмæ уæ бинонтæн фæрныгад.

Республикæ Хуссар Ирыстон-Паддзахад Аланийы Парламенты

Сæрдар Гасситы Петр

Comments are closed, but trackbacks and pingbacks are open.