Республикæ Хуссар Ирыстоны Президент Бибылты Анатоли хайад райста армийы инæлар Василий Маргеловы номыл Рязаны гвардион уæлдæфон-десантон командон уæлдæр ахуыргæнæндоны сæдæазон юбилей нысан кæныны цытджын церемонийы.

Ацы нысаниуæгджын боны уагъд æрцыд армийы инæлар Маргеловæн цырт байгом кæнын, ахуыргæнæндонæн УФ-йы Хъахъхъæнынады министрады грамотæ цытджын æгъдауæй радтын, Уæлдæфон-десантон æфсæдты историон музей байгом кæныны церемонитæ, кадджын хъарагъулы ротæйы ралæуд æмæ уæлдæфон-десантон æфсæдтон орекстры парад-дефиле.

Бибылты Анатоли бæрæгбоны фæлгæтты фембæлд РХИ-йæ курсанттимæ, кæцытæ ахуыр кæнынц ацы ахуыргæнæндоны. Фидæны афицертимæ ныхас кæнгæйæ, уый банысан кодта, зæгъгæ, йæхæдæг дæр у ацы ахуыргæнæндоны рауагъдон æмæ банысан кодта, афицеры фæлгондз баст кæй у кад æмæ намысимæ: «Цæсгомджынæй службæ кæнут, цæмæй уæ мундиры ном макуы счъизи уа, цæмæй уæ сæйраг миниуджытæ уой намыс æмæ Райгуырæн бæстæйæн лæггад кæнын».

Президент бузныджы ныхæстæ загъта курсанттæн сæ хорз службæйы тыххæй æмæ сын йæ цæст бауарзта хорз æнтыстытæ сæ ахуыры.

Мадзалы ма хайад райстой УФ-йы РХИ-йы Уæлвæткон æмæ Æххæстбарджын минæвар Гасситы Знауыр æмæ РХИ-йы хъахъхъæнынады министр Гассеты Ибрагим.

Республикæ Хуссар Ирыстоны

Президенты пресс-службæ

Ацы æрмæджытæ дæр бакæс:

УÆЛДÆФОН-ДЕСАНТОН ÆФСАДЫ ВЕТЕРАНТÆ – БИБЫЛТЫ АНАТОЛИЙЫ ÆВВАРС Кад кодтой Уæрæсейы уæлдæфон-десантон æфсады службæгæнджытæн Сæвæрдта дидинджытæ фæмардуæвæг рауагъдонты стелæйы раз Бибылты Анатоли раарфæ кодта десантон æфсады службæгæнджытæн Хуссар Ирыстоны делегаци хайад райста Абхазы бæрæгбонон мадзæлтты

Comments are closed, but trackbacks and pingbacks are open.