Куыд ма хъусын кодтам, афтæмæй Республикæ Хуссар Ирыстоны Президент Бибылты Анатоли хайад райста армийы инæлар Василий Маргеловы номыл Рязаны гвардион уæлдæфон-десантон командон уæлдæр ахуыргæнæндоны 100-азон юбилей нысан кæныны цытджын мадзæлтты.
Уый дидинджытæ сæвæрдта уæлдæфон-десантон æфсæдты ахуыргæнæндонæй фæмардуæвæг рауагъдонты стелæйыл.
Мадзæлтты хайад истой Рязаны областы губернатор Николай Любимов, УФ-йы хъахъхъæнынады министры хæдивæг Юрий Садовенко, УФ-йы уæлдæфон-десантон æфсæдты командагæнæг Андрей Сердюков.
Бибылты Анатоли фембæлд ахуыргæнæндоны директор æмæ профессорон-ахуырадон скондимæ, кæцытæн бузныджы ныхæстæ загъта Хуссар Ирыстоны курсантты ахуыры тыххæй.
«Бузныг уын Республикæ Хуссар Ирыстоны ног æфсæддон элитæйы ахуыры тыххæй», – загъта Президент.
Мадзалы хайадисджытæ бабæрæг кодтой, Георгий Уæлахизгæнæджы ног аргъуан æмæ ахуыргæнæндоны территорийыл цы Уæлдæфон-десантон æфсæдты музей ис, уый.
Юбилейы цытæн уæлдæр ахуыр-гæнæндоны курсанттæ æмæ афицертæ плацы рацыдысты цытджын маршы æмæ сæххæст кодтой патриотикон зарджытæ.
Comments are closed, but trackbacks and pingbacks are open.