РХИ-йы Президент Бибылты Анатоли Республикæ Хуссар Ирыстоны Парламентмæ бавдыста Республикæ Хуссар Ирыстоны Хицауады Сæрдары бынатмæ Пухаты Эрикы кандидатурæйы.
«Республикæ Хуссар Ирыстоны Конституцийы 50-æм статьяйы 5-æм пунктмæ гæсгæ сразы йыл уӕвынмӕ хӕссын Пухаты Эрик Георгийы фырты кандидатурæйы Республикæ Хуссар Ирыстоны Хицауады Сæрдары бынатмӕ йæ снысан кæныны тыххæй», – дзырдæуы, Президент Парламенты Сæрдары хæстæ æххæстгæнæг Мамиты Иналы адресыл цы фыстæг барвыста, уым.
Абон паддзахады сæргълæууæг раарфæ кодта Пухаты Эрикæн, 60 азы йыл кæй сæххæст, уый цытæн. Юбилярæн Бибылты Анатоли загъ-та фидар æнæниздзинады æмæ Фыдыбæстæйы хæрзиуæгæн дарддæры æнтыстыты фæндиæгтæ.
Бирæ азты дæргъы æнтыстджын æхсæнадон-политикон æмæ зонадон-педагогон куысты сæраппонд æмæ йыл 60 азы кæй сæххæст, уый тыххæй йæ Президент схорзæхджын кодта Республикæ Хуссар Ирыстоны Кады грамотайæ.
Биографион зонӕнтӕ:
Пухаты Эрик Георгийы фырт райгуырд 1957 азы 5 майы Знауыры районы Схлиты хъæуы.
1976 азæй 1978 азмæ службæ кодта Советон æфсады рæнхъыты.
1982 азы каст фæцис Хуссар Ирыстоны Паддзахадон педагогон институты физикæ-математикон факультет. Йæ фæллойадон архайды дæргъы куыста Цхинвалы консерваразæн заводы кусæгæй, лекцитæ каст ХИПУ-йы. 2005 азы нысан æрцыд Хуссар Ирыстоны Паддзахадон статистикон управленийы къухдариуæггæнæгæй. 2014 азы та нысан æрцыд Республикæ Хуссар Ирыстоны Хицауады Сæрдары хæдивæгæй.
Хорзæхджын у Республикæ Хуссар Ирыстоны майдан «За трудовое отличие»-йæ æмæ Приднестроваг Молдаваг Республикæйы майдан «За укрепление международного сотрудничества»-йæ.
Ис ын цардæмбал æмæ æртæ сывæллоны.
Comments are closed, but trackbacks and pingbacks are open.