Дзæуджыхъæуы Барбашовы фæзы официалон æгъдауæй райдыдта æппæтуæрæсеон конкурс «Наша победа». Арæзт цæуы, акци «Регионты хъæбатырты» фæлгæты. Сæрмагондæй уый тыххæй Цæгат Ирыстонмæ делегацитæ æрцыди Мæскуыйæ, Хъырымæй, Фæсбайкалы æмæ Краснодары крайтæй, Амурскы, Новгороды, Нижний Новгороды, Свердловы æмæ Оренбурджы облæсттæй. Уазджытæн «æгасцуай» загъта Сергей Меняйло æмæ дидинджытæ сæвæрдта мемориалыл.
Уазджытæн экскурси скодтой мемориалон комплексы. Ацы бынæттæ фыццаг хатт чи федта, уыдонмæ фæкастысты тынг цымыдисаг. Ам Советон æфсæдтæ баурæдтой фашистты. Æппæты фыццаг конкурс «Наша Победа» арæзт æрцыди, æппæтуæрæсеон проект «Фидæны фæлтæртæ» æмæ стратегион хъæппæристы агентады архайды фæрцы. Уæд дзы архайдта Уæрæсейы 82 регионæй 4 мин конкурсантæй фылдæр. Ныр конкурсмæ хаст æрцыди ивддзинæдтæ. Ис дзы 6 номинацийы, иууылдæр баст сты историон æвдисæндартимæ, бæлвырд цаутæ æмæ бонтимæ. Афтæмæй, цыппар азмæ конкурсы фæлгæты арæзт æрцæудзæн историон цауты къæлиндар.
Comments are closed, but trackbacks and pingbacks are open.