Арфæтæ – Паддзахадон статистикæйы управленийы кусджытæн

Паддзахадон статистикæйы управленийы цытджын кусджытæ!

Республикæ Хуссар Ирыстоны Хицауады æмæ сæрмагондæй мæхи номæй уын арфæ кæнын Статистикæйы кусæджы боны цытæн!

Статистикæйæн ис йæхи сæрмагонд нысаниуæг цыфæнды рæзгæ паддзахады дæр. Абоны бон статистикон хыгъды органтæ ахуыр кæнынц æмæ сгарынц нырыккон царды æппæт фадгуытæ, кæцыты бындурыл скъуыддзаг æрцæуынц ахсджиаг фарстатæ æрмæст экономикæйы фадыджы нæ фæлæ, царды æндæр фадгуыты дæр, уыцы нымæцы цæрджыты социалон хъахъхъæнынады дæр.

Алы статистикон фæстиуæг, алы сахуыргонд нымæцы æмæ аналитикон хатдзæгты фæстæ лæууы уæ æрвылбонон зын фæллой æмæ статистикты хисæрмагонд бæрндзинад.

Паддзахадон статистикæйы службæ уæрæсейаг коллегæтимæ бакодтой стыр куыст, ауагътой цæрджыты сфыст, кæцыйы хатдзæгтæм гæсгæ паддзахад райста актуалон бæрæггæнæнтæ, æмæ уыдон та систы фидар аналитикон бындур нæ паддзахады дарддæры рæзтæн.

Абоны бон Паддзахадон статистикæйы кусджытæ дарддæр кæнынц службæйы хорз традицитæ, стыр профессионализм æмæ хъуыддагмæ цæсгомджын ахаст æвдисгæйæ.

Айсут мын мæ бузныджы ныхæстæ уæ зын æмæ бæрнджын куысты тыххæй. Мæ цæст уын уарзы фидар æнæниздзинад, æвидигæ энерги æмæ куысты хорз фæстиуджытæ.

Республикæ Хуссар Ирыстоны 

Хицауады Сæрдар Пухаты Эрик

 

***

Республикæ Хуссар Ирыстоны статистикæйы цытджын кусджытæ!

Республикæ Хуссар Ирыстоны Парламенты депутатты æмæ уын сæрмагондæй  мæхи номæй арфæ кæнын уæ профессионалон бæрæгбон – Статистикæйы кусæджы боны цытæн!

Статистикæ æмæ анализ сты уе структурæйы сæйраг хæстæ, стыр нысаниуæг сын ис нырыккон æхсæнады, æвдисынц æцæг уавæр республикæйы адæмон хæдзарады, ахъаз кæнынц бæстæйы рæзтæн социалон æмæ экономикон фарстатæ скъуыддзаг кæныны. Раст æмæ объективон бæрæггæнæнтæ æвдисгæйæ, сымах аразут бæрæг уавæртæ программæтæ аразынæн æмæ ахсджиаг хъуыддæгтæ скъуыддзаг кæнынæн республи-кæйы экономикæйы дарддæры рæзтæн.

Мæ цæст уарзы уе службæйы кусджытæн æмæ ветерантæн æнæниздзинад, стыр æнтыстыттæ Ирыстоны хæрзиуæгæн!

Республикæ Хуссар Ирыстон-Паддзахад Аланийы Парламенты Сæрдар Гасситы Петр

 

***

Арфæ – Юристы боны цытæн

Зынаргъ хæлæрттæ!

Республикæ Хуссар Ирыстоны Парламенты æмæ уын сæрмагондæй мæхи номæй арфæ кæнын уæ про-фессионалон бæрæгбон – Юристы боны цытæн!

Юристы професси не ‘хсæнады у иууыл аккагдæр æмæ кадджындæр, уымæн æмæ царды ахæм фадыг нæй, цыран нæ бахъæуа барадон æххуыс. Уе ‘рвылбонон куыстæй сымах ифтонг кæнут закъондзинад, конституцион нормæтæ, æмæ æмбæстæгты сæрибардзинæдтæ хъахъæнгæйæ, ахъаз кæнут æмбæстæгты барадон хъомыладæн, æппæт адæмы æмбарад закъоны раз.  Уæ профессионализм, принципиалондзинад æмæ компе-тентондзинадыл баст у нæ республикæйы дарддæры рæзт, куыд барадон паддзахад. Мæн ныфс ис, уæ цæсгомджын фæллой, фæлтæрддзинад æмæ нысанмæ тырнындзинад дарддæр дæр кæй ахъаз кæндзысты закъоны уæлиондзинадæн, барвæтк сфидар кæнын æмæ æмбæстæгты бартæ хъахъхъæныны гаранти.

Зынаргъ хæлæрттæ! Мæ цæст уын уарзы æнæниздзинад, фæрныгад æмæ æнтыстытæ æппæт уæ хъуыддæгты.

Республикæ Хуссар Ирыстон-Паддзахад Аланийы Парламенты Сæрдар Гасситы Петр