Цытджын юристтæ æмæ ацы фадыджы ветерантæ!
Айсут иууыл зæрдиагдæр арфæтæ уæ профессионалон бæрæгбоны цытæн!
Юристты архайды бындуры ис иумæйагадæймагон миниуджытæ – рæстдзинад, гуманондзинад, закъоны раз æмбарад, уымæ гæсгæ зын саргъгæнæн ис паддзахады стабилондзинад æмæ рæзты уæ хайбавæрды ахсджиагдзинадæн. Юристæн æрмæст уæрæх зонындзинæдтæ, æрцæугæ цаутæм ма хъуамæ уа объективон цæстæнгас, фæлæ социалон рæстдзинад æмæ тæригъæддзинады æнкъарæн дæр.
Уæ куысты гъæдыл бирæ бæрцæй баст у æхсæнадон сабырдзинад, æмбæстæгты царды æдасдзинад æмæ æнæниздзинад.
Республикæ Хуссар Ирыстоны юридикон службæтæ фæстаг азты бакодтой куысты егъау гуырахст сæйраг паддзахадон закъæтты æмбырд кæнын, унификаци æмæ фæхуыздæр кæныны фæдыл. Ныфс мæ ис, сымах дарддæр дæр æнтыстджынæй кæй кусдзыстут Хуссар Ирыстоны хæрзиуæгæн.
Мæ цæст уын уарзы фидар æнæниздзинад, фæрныгад, быхсындзинад, сабырдзинад æмæ æнтыстытæ Закъон æмæ Растдзинадæн лæггад кæныны хъуыддаджы!
Республикæ Хуссар Ирыстоны Хицауады
Сæрдар БЕКЪОЙТЫ Геннади
Арфæ – Статистикæйы кусæджы боны цытæн
Статистикæйы цытджын кусджытæ!
Зæрдиаг арфæ уын кæнын уæ проефссионалон бæрæгбон – Статистикæйы кусæджы боны цытæн!
Нырыккон статистикæйы нысаниуæгæн зын саргъгæнæн ис. Уымæн ис ахсджиаг нысаниуæг паддзахады социалон-экономикон политикæйыл кусын æмæ реализаци кæныны хъуыддаджы. Алы статистикон бæлвырдгæнæны фæстæ, алы нымæц æмæ аналитикон хатдзæгты фæстæ дæр хъæуы лæмбынæг куыст, кæцыйы фæстиуджытæ æвæрд æрцæуынц барст æмæ фидар уынаффæты бындурыл, сты экономикон æмæ социалон прогноз кæныны амæлттæ. Уæ бæрнджын куысты фæрцы æвдыст цæуы республикæйы æппæт фадгуыты архайды бæстон куыст.
Ныфс мæ ис, стаистикон бæлвырдгæнæнты объективондзинад æмæ дырысдзинад алыхатт дæр кæй уыдзысты уæ куысты сæйраг критеритæ.
Мæ цæст уын уарзы фидар æнæниздзинад, фæрныгад, оптимизм, æвидигæ энерги æмæ æнтыстытæ!
Республикæ Хуссар Ирыстоны Парламенты Сæрдар ТАДТАТЫ Алан
Comments are closed, but trackbacks and pingbacks are open.