Арфæтæ – Адæмон иудзинады  бæрæгбоны цытæн  

Уæрæсейы Федерацийы Федералон Æмбырды Паддзаха-дон Думæйы Сæрдар Вячеслав Володинмæ.

Цытджын Вячеслав Викторы фырт!

Республикæ Хуссар Ирыстоны Парламенты номæй æмæ дын сæрмагондæй мæхи номæй арфæ кæнын Адæмон иудзинады бæрæгбоны цытæн!

Уæрæсейы адæм хъахъхъæнынц сæ фыдæлты сгуыхтдзинады тыххæй мысынад, алыгъуызон дин æмæ нацийы адæм куы æрбангом сты, куы рацыдысты æппæт фæлварæнтæ æмæ бахъахъхъæдтой сæ сæрибардзинад. Уый у ахсджиаг бæрæгбон, кæцы нын нæ зæрдыл лæууын кæны, адæмы тых кæй ис æнгомдзинады.

Ацы нысаниуæгджын бæрæгбоны дын, цытджын Вячеслав Викторы фырт, мæ цæст уарзы фидар æнæниздзинад, циндзинад, фæрныгад, Уæрæсейы адæмæн та – сабырад æмæ дидинæфтыд.

Республикæ Хуссар

Ирыстоны Парламенты Сæрдар Тадтаты Алан

 

***

Уæрæсейы Федерацийы Федералон Æмбырды Паддзахадон Думæйы Сæрдар Валентина Матвиенкомæ.

Цытджын Валентина Иваны чызг!

Республикæ Хуссар Ирыстоны Парламенты æмæ дын сæрмагондæй мæхи номæй арфæ кæнын Адæмон иудзинады боны цытæн!

Ацы бон Уæрæсейы историмæ бахызт, куыд æцæг хъайтардзинад, адæмы æнгомдзинад, æхсардзинады символ, афтæ. Бæрæгбон, кæцы нысан кæнынц иууылдæр, æмбæстагдзинад æмæ патриотизмы идеалтæ зынаргъ кæмæн сты, уыдон. Ныфс мæ ис, ахæм зындгонд адæм, куыд Минин æмæ Пожарскийы фæдонтæ, дарддæр дæр кæй хæсдзысты иудзинады æмæ адæмы хæлардзи-нады тырыса, Уæрæсейы фидар æмæ рæзын кæнгæйæ.

Ацы нысаниуæгджын бæрæгбоны, цытджын Валентина Иваны чызг, мæ цæст уарзы дæуæн æмæ æппæт уæрæсейаг адæмæн фидар æнæниздзинад, сабырад, фæрныгад æмæ диинæфтыд.

Республикæ Хуссар Ирыстоны Парламенты Сæрдар Тадтаты Алан

 

Республикæ Хуссар Ирыстоны Парламенты Сæрдар Тадтаты Алан ма арфæйы телтæ арвыста: Республикæ Цæгат Ирыстон-Аланийы Паралменты Сæрдар Алексей Мачнев, Кæсæг-Балхъары Республикæйы Парламенты Сæрдар Егорова Татьяна, Хъæрæсе-Черкесы республикæйы Адæмон Æмбырды сæрдар Александр Иванов, Республикæ Дагъыстаны Адæмон Æмбырды сæрдар Аскендеров Заур, Адыгейы Республикæйы Хасэйы Паддзахадон советы сæрдар Владимир Нарожный, Мæхъæлы республикæйы Адæмон æмбырды сæрдар Тумгоев Магомет æмæ Цæцæны республикæйы Парламенты Сæрдар Даудов Магомедмæ.