Арфæтæ – Адæмон иудзинады боны цытæн

УФ-йы Президент Владимир Путинмæ

Цытджын Владимир Владимиры фырт!

Арфæ кæнын дæуæн æмæ Уæрæсейы Федерацийы æппæт бирæнацион адæмæн Уæрæсейы Адæмон иудзинады боны цытæн!

Адæмон иудзинады бон абон ссис сноггонд Уæрæсейы символтæй сæ иу. Ацы бæрæгбон ноджыдæр зæрдыл лæууын кæны æнгомдзинад æмæ иудзинады æнæмæнгхъæуындзинад, æрмæстдæр иумæ кæй бафтдзæн къухты бæстæйы царды æцæг ивындзинæдтæ, тыхджын æмæ дидинæфтаугæ йæ аразын.

Ацы нысаниуæгджын боны дын, цытджын Владимир Владимиры фырт, мæ цæст уарзы фидар æнæниздзинад, амонд æмæ фæрныгад, Уæрæсейы Федерацийы æппæт адæмæн та – сабырад, хорздзинад æмæ дидинæфтыд.

Республикæ Хуссар Ирыстоны

Президент БИБЫЛТЫ Анатоли

***

УФ-йы Федералон Æмбырды Федерацийы Советы Сæрдар Валентина Матвиенкомæ

Цытджын Валентина Иваны чызг!

РХИ-йы Парламенты депутаттæ æмæ сæрмагондæй мæхи номæй арфæ кæнын дæуæн æмæ Федерацийы Советы æппæт уæнгтæн Адæмон иудзинады боны цытæн!

Бирæнацион Уæрæсейы ацы бæрæгбонæн ис сæрмагонд нысаниуæг, уымæн æмæ адæмы иудзинад фадат дæтты бирæнацион Уæрæсейы æппæт адæмтæн, цæмæй сæхи хатой, стыр истори, культурæ, хæдбындур традицитæ æмæ æгъдæуттæ кæмæн ис, уыцы бæстæйы æнæфæхицæнгæнгæ хайæ. Ацы бæрæгбон у адæмы хъайтардзинад æмæ æнгомдзинады символ, кæцы нын зæрдыл лæууын кæны, æрмæстдæр æрбаиу уæвгæйæ, æхсæннацион æмразыдзинад æмæ æмбæстагон солидарон-дзинадмæ фæндондзинад æвдисгæйæ, уæрæсейаг адæмæн йæ бон суыдзæн æппæт зындзинæдтæ аиуварс кæнын æмæ адæмы царды гъæд фæхуыздæр кæныны фæдыл æппæт нысангонд плæнттæ сæххæст кæндзæн.

Мæ цæст дын уарзы, цытджын Валентина Иваны чызг, æнæниздзинад, фæрныгад, амонд æмæ дидинæфтыд.

***

УФ-йы Федералон Æмбырды Паддзахадон Думæйы  Сæрдар Вячеслав Володинмæ

Цытджын Вячеслав Викторы фырт!

Арфæ кæнын дæуæн æмæ Паддзахадон Думæйы æппæт депутаттæн Адæмон иудзинады боны цытæн!

Ацы бæрæгбон, кæцыйæн ис арф бындуртæ, у стыр Уæрæсейы æнæхъæндзинады, йæ бирæнацион адæмы æнгомдзинады символ, кæцы тырны æмбæстагон сабырад æмæ æмразы-дзинадмæ.

Уæрæсейы адæмты иудзинады фидар традицитæ, æхсæнады солидарондзинад сты Уæрæсейы дидинæфтыды бындур, фадат дæттынц экономикæйы æмæ социалон фадгуытæ рæзыны фæдыл масштабон фарстытæ.

Мæ цæст дын уарзы, цытджын Вячеслав Викторы фырт, æнæниздзинад, сабырад, фæрныгад æмæ куысты æнтыстытæ Уæрæсейы æмæ йæ адæмы хæрзиуæгæн.

Республикæ Хуссар Ирыстоны

Парламенты Сæрдар Тадтаты Алан

 ***

РХИ-йы Парламенты Сæрдар Тадтаты Алан ма Адæмон иудзинады боны цытæн раарфæ кодта Цæгат Кавказы республикæты парламентты къухдариуæггæнджытæн дæр.