Республикæ Хуссар Ирыстоны Президент Бибылты Анатоли раарфæ кодта Республикæ Арцахы Президент Араик Арутюнянæн Хæххон-Къарабахы Республи-кæйы хæдбардзинадыл 29 азы сæххæсты сæрппонд.
Арфæйы телы дзырдæуы:
«Цытджын Президент!
Арфæ дын кæнын, 1991 азы 2 сентябры уæ бæстæйы царды цы егъау историон цау æрцыд, кæцы здæхт уыд сæрибардзинад æмæ хи бахъахъахъæныны фæндагыл Арцахы хæдбардзинадмæ æркæнынмæ. Уый цытæн арцахæгтæн историон æмæ зæрдылдарæн цау нысан кæны национ консолидаци, стабилондзинады идеалтæм, фæрнджын, сæрибар фидæн саразынмæ æнæфæивгæ тырнындзинад. Арцахаг суверенон паддзахаддзинад сæндидзын кæнгæйæ, республикæ сфидар кодта хæдбардзинадмæ бæстæйы курс æмæ демократийы фæндагыл йæ рæзт.
Ныфс мæ ис, нæ адæмы ‘хсæн цы æфсымæрон хæлардзинад æмæ кæрæдзимбарынады ахастытæ сæвзæрд, уыдон дарддæр дæр фидар цæудзысты æмæ рæздзысты Хуссар Ирыстон æмæ Арцахы адæмты хæрзиуæгæн».
***
Бибылты Анатоли ма раарфæ кодта Приднестроваг Молдаваг Республикæйы Президент Вадим Карсносельскийæн Приднестроваг Молдаваг Республикæйы сырæзтыл 30 азы сæххæсты сæррапонд.
Арфæйы телы дзырдæуы:
«Цытджын Вадим Никъалайы фырт!
Республикæ Хуссар Ирыстоны номæй арфæ кæнын Приднестровьейы æфсымæрон адæмæн Приднестроваг Молдаваг Республикæйы сырæзтыл 30 азы сæххæсты сæраппонд.
1990 азы 2 сентябрь ссис Приднестровьейы патриотизм æмæ национ иудзинады, йæ тырнындзинад сæрибар, хæдбар, демократон паддзахад саразыны символ. Историон равзæрст ссис демократийы акт, æрæвæрдта бындур хæдбар Приднестроваг Молдаваг Республикæйы сæрибар æмæ конструктивон рæзтæн.
Ныфс мæ ис, нæ бæстæты ‘хсæн хæлардзинады ахастытæ æмæ продуктивон æмгуыстад, кæцытæ бындуриуæг кæнынц хæлардзинады, кæрæдзимбарынады æмæ æххуысы рагон традицитыл, историон æгъдауæй сæвзæрдысты нæ адæмты ‘хсæн æмæ дарддæр дæр кæй фидар кæндзысты æмæ рæздзысты Хуссар Ирыстоны æмæ Приднестроваг Молдаваг Республикæйы адæмты хæрзиуæгæн.
Мæ цæст уарзы Приднестровьейы адæмæн сабырад, фæрныгад æмæ дидинæфтыд, дæуæн та, цытджын Вадим Никъалайы фырт, фидар æнæниздзинад æмæ ног æнтыстытæ Фыдыбæстæйæн лæггад кæныны хъуыддаджы».
Comments are closed, but trackbacks and pingbacks are open.