Арфæтæ

Республикæ Хуссар Ирыстоны Президент Бибылты Анатолийæн

Цытджын Анатоли Ильяйы фырт!

Зæрдиаг арфæ кæнын дæуæн æмæ Хуссар Ирыстоны æппæт адæмæн Стыр Уæлахизыл 73 азы сæххæсты боны цытæн.

9-æм май кæддæриддæр уыдзæн нæ адæмты æхсардзинады символ, кæцытæ фæрсæй фæрстæм хæсты фронтты тох кодтой, райгуырæн зæхх фашизмæй фервæзын кæныны тыххæй фæсчъылдым удуæлдай куыст кодтой.

Ныфс мæ ис, нæ уæлахизхæссæг фæлтæрты сгуыхтдзинæдтæ иумæйагæй нæ зæрдыл куы дарæм, уæд дарддæр дæр бындур кæй уыдзæн нæ паддзахадты ‘хсæн стратегион æмгуыстад æмæ цæдисон ахастытæ сфидар кæнынæн.

Курæг дæ дæн, цæмæй республикæйы цæрæг ветерантæм фæхæццæ кæнай мæ бузныджы ныхæстæ, стæй æнæниздзинады, бирæ азты цæрæнбоны, сабырад æмæ фæрныгады арфæтæ.

 

Уæрæсейы Федерацийы Президент Владимир Путин

 

***

Цытджын Анатоли Ильяйы фырт!

Зæрдиаг арфæ кæнын дæуæн æмæ Хуссар Ирыстоны æппæт адæмæн Стыр Уæлахизыл 73 азы сæххæсты боны цытæн.

9-æм май кæддæриддæр нымад уыдзæн нæ адæмты иууыл нысаниуæгджындæр бæрæгбонтæй сæ иуыл. Абхазы æмæ Хуссар Ирыстоны мингай хуыздæр лæппутæ активон хайад истой нацистон уацары ныхмæ тохы. Уыдоны æхсардзинад, хъæбатырдзинад, Райгуырæн бæстæмæ уарзондзинад æмæ уды фидардзинад махæн сты цæвиттойнаг.

Ацы нысаниуæгджын бæрæгбоны уæ курæг дæн, цæмæй мæ арфæйы ныхæстæ зæгъай Хуссар Ирыстоны ветерантæн æмæ фидар æнæниздзинад, сабырад æмæ фæрныгады тыххæй мæ фæндиæгтæ.

Республикæ Абхазы Президент Рауль Хаджимба

***

Бибылты Анатолийæн ма бæрæгбоны цытæн раарфæ кодта Приднестроваг Молдаваг Республикæйы Президент Вадим Красносельский, Республикæ Арцахы Президент Бако Саакян æмæ Луганскы Адæмон Республикæйы сæргълæууæджы хæстæ æххæстгæнæг Леонид Пасечник.

 

***

Республикæ Абхазы Премьер-министр Геннади Гагулиямæ                                                       

Цытджын Геннади Леониды фырт!

Айс мæ иууыл зæрдиагдæр арфæтæ Республикæ Абхазы Премьер-министры бынатмæ официалон æгъдауæй бацæуыны цытæн.

Ныфс мæ ис, дæ зонындзинæдтæ æмæ нысанмæ тырнындзинад даррдæр дæр ахъаз кæндзысты Республикæ Хуссар Ирыстон æмæ Республикæ Абхазы ‘хсæн хæларадон ахастытæ æмæ нæ дыууæтæн дæр пайдайы æмгуыстад уæрæхдæр кæнынæн.

Мæ цæст дын уарзы, цытджын Геннади Леониды фырт, æнтыстджын куыст дæ бæрнон бынаты, дæ разы цы нысæнттæ æрæвæрдтай, уыдон цы сæххæст уой, фидар æнæниздзинад æмæ фæрныгад!

Республикæ Хуссар Ирыстоны Хицауады Сæрдар Пухаты Эрик

 

***

Пухаты Эрик ма Геннади Гагулияйæн раарфæ кодта Стыр Уæлахизы боны цытæн дæр. Арфæйы дзырдæуы:

«Цытджын Геннади Леониды фырт!

Айс мæ иууыл хъармдæр арфæтæ Стыр Фыдыбæстæйон хæсты Уæлахизыл 73 азы сæххæсты боны цытæн!

Ацы æппæтадæмон бæрæгбон баст у уæлахизхæссæг кадджын фæлтæри-мæ, кæцытæ сæ цардыл нæ ауæрдгæйæ фервæзын кодтой дуне фашизмæй, тохы быдырты æхсарджынæй хъахъхъæдтой Фыдыбæстæйы хæдбардзинад, удуæлдай куыстæй æввахс кодтой, пырхæнтæ Уæлахиз æмæ æртхутæгæй ногæй сæндидзын кодтой сæ райгуырæн горæттæ æмæ хъæутæ.

Советон салдаты сгуыхтдзинадæй бæрзонддæр нæ уыд, кæцы йæ райгуырæн зæхх бахъахъхъæдта знагæй, дунейын фервæзын кодта нацизмæй.

Ацы нысаниуæгджын бæрæгбоны дын мæ цæст уарзы æнæниздзинад, фæрныгад æмæ сабыр арвы бын царды хæрзиуджытæ».

 

***

Луганскы Адæмон Республикæйы Адæмон

            Советы Сæрдар Денис Мирошниченкомæ

Цытджын Денис Николайы фырт!

Айс мын мæ иууыл зæрдиагдæр арфæтæ Луганскы Адæмон Республикæйы сырæзты боны цытæн!

Ацы бæрæгбон у, уæ республикæйы фæрныгад æмæ дидинæфтыд кæй уырны, уыдоны. Сæрибар æмæ хæдбардзинады сæраппонд, Киевы хæстон интервенцийы фæстиуджыты ныхмæ тох кæнгæйæ сымах фæдфæдылон æгъдауæй цæут демократон барадон паддзахад аразыны фæндагыл, рæзын æмæ фидар кæнут паддзахадон хицауады институттæ æмæ æмбæстагон æхсæнад, фидар æмæ хæрзарæзт кæнут уæ бæстæ.

Мах стыр аргъ кæнæм, нæ бæстæты ‘хсæн цы хæларадон æмæ кæрæдзиæмбары-надон ахастытæ фæзынд, уыдонæн. Ныфс нæ ис, уыдон дарддæр дæр кæй рæздзысты æмæ фидар кæндзысты.

Мæ цæст дын уарзы, цытджын Денис Николайы фырт, фидар æнæниздзинад, амонд, фæрныгад, æнтыстытæ адæмы хæрзиуæгæн дæ куысты æфсымæрон Луганскы Республикæйы дидинæфтыдады стабилондзинады сæраппонд.

Республикæ Хуссар Ирыстон-Паддзахад Аланийы

Парламенты Сæрдар Гасситы Петр

 

***

Донецкы Адæмон Республикæйы Адæмон Советы Сæрдар

Денис Пушилинмæ                               

Цытджын Денис Владимиры фырт!

Республикæ Хуссар Ирыстоны Парламенты депутаттæ æмæ сæрмагондæй мæхи номæй арфæ кæнын дæуæн æмæ республикæйы æппæт цæрджытæн нысаниуæгджын бæрæгбон – Республикæйы боны цытæн!

2014 азы 11 майы референдум, Киевы паддзахадон фæфæлдæхтæн дзуапп ратгæйæ уагъд кæй æрцыд, уый сбæрæг кодта Донецкы Адæмон Республикæйы хæдбардзинад. Уыцы цыппар азы мидæг уæ адæм рацыдысты политикон арæзтады æмæ райрæзты зын фæндагыл, æппæт тыхтæ здæхт сты паддзахадон суверенитет сфидар кæныныл, республикæйы социалон-экономикон ивындзинæдтæ æрхæссынмæ.

Хуссар Ирыстоны стыр аргъ кæнынц нæ республикæты ‘хсæн дыууæфарсон ахастытæ райрæзын кæнынæн æмæ махæн ахсджиаг у, цæмæй æххæст æрцæуой нæ алывæрсыг бастдзинæдтæ æрбиноныг кæныны фæдыл нæ бадзырдтæ.

Мæ цæст дын уарзы, Денис Владимиры фырт, фидар æнæниздлзинад, фæрныгад, æнтыстытæ дæ куысты, сабырад, стабилондзинад æмæ дидинæфтыд æфсымæрон Донецкы Республикæйы хæрзиуæгæн.

Республикæ Хуссар Ирыстон-Паддзахад Аланийы Парламенты

Сæрдар Гасситы Петр