Арфæтæ

Хъалонты органты цытджын кусджытæ æмæ ацы фадыджы ветернатæ!

Айсут иууыл зæрдиагдæр арфæтæ уæ профессионалон бæрæгбон – Республикæ Хуссар Ирыстоны хъалонты органты кусæджы боны цытæн!

Нæ республикæйы финансон системæйы хъалонты органты нысаниуæг егъау у. Ивгъуыд азты сымах, саргъгæнæн кæмæн нæй, ахæм хайбавæрд бахастат Хуссар Ирыстоны экономикон æдасдзинад сифтонг кæныны хъуыддагмæ. Æмæ зын уавæрты сымахæн уæ къухты бафтыд хорз фæстиуджытæ. РХИ-йы хъалонты æмæ æхцайы æмбырдты комитеты кусджыты профессионализм æмæ компетентондзинады фæрцы скъуыддзаг цæуы паддзахды ахсджиагдæр фарста –  бюджет баххæст кæнын, хорз уавæртæ арæзт цæуынц чысыл æмæ астæуккаг бизнес райрæзын кæнынæн, азæй-азмæ бæрзонд кæны Республикæ Хуссар Ирыстоны инвестицион химæлвастдзинад.

Уырны мæ, сымах дарддæр дæр, аккагæй æмæ кадимæ, кæй æххæст кæндзыстут уæ разылæууæг хæстæ, бæрзонд профессионализм æмæ намысдзинад æвдисгæйæ.

Мæ цæст уын уарзы, зынаргъ хæлæрттæ, æнæниздзинад, фæрныгад æмæ уæ куысты ног æнтыстытæ!

Республикæ Хуссар Ирыстоны

Президент БИБЫЛТЫ Анатоли

 

***

Хъалонты органты цытджын кусджытæ æмæ ацы фадыджы ветерантæ!

Республикæ Хуссар Ирыстоны Хицауады æмæ уын сæрмагондæй мæхи номæй арфæ кæнын уæ профессионалон бæрæгбоны цытæн.

Хъалонты службæ у паддзахадон разамынды иууыл эффективондæр æмæ ахадæндæр фадгуытæй сæ иу, республикæйы экономикон æдасдзинады гарант æмæ хицауиуæгадæн ныфс-джын æххуысгæнæг.

Хъалонты органтæ сæ архайды рæстæджы бæрнджынæй, профессионалон æмвæзадыл ифтонг кæнынц бюджеты арæзт, аразынц финансон фидардзинадæн æмæ нæ республикæйы социалон стабилондзинадæн бындур.

Фæстаг рæстæджы уым бирæ ивындзинæдтæ æрцыд, æмæ абон уый у, динамикон æгъдауæй рæзгæ структурæ, кæцы пайда кæны куысты эффективон методтæй æмæ йæ фæстиуæг та у паддзахадон бюджеты æфтиæгтæ зынгæ фæфылдæр кæнын.

Уырны мæ, хъалонты органты кусджыты эффективон архайд дарддæр дæр кæй ахъаз кæндзæн республикæйы рæзтæн.

Мæ цæст уарзы сымахæн æмæ уæ бинонтæн фидар æнæниздзинад, æнтыстытæ, ног профессионалон уæлахизтæ.

Республикæ Хуссар Ирыстоны Хицауады

Сæрдар Пухаты Эрик

 

***

Хъалонты органты цытджын кусджытæ!

Республикæ Хуссар Ирыстоны Парламенты æмæ уын сæрмагондæй мæхи номæй арфæ кæнын уæ профессионалон бæрæгбоны цытæн!

Уе структурæйы сæйраг хæс у паддзахады экономикон æдасдзинад ифтонг кæнын. Хъалонты фыдракæндтæ æмæ бархалæнты ныхмæ тох кæнын æнæмæнгхъæуæг у нæ республи-кæйы экономикон стабилондзинадæн. Хъалонтæ æмбырд кæнын у, къазнæ баххæст кæныны сæйраг фæрæз, кæцы ахъаз у социалон фадыг ифтонг æмæ рæзын кæнынæн. Ацы фадыджы чи кусынц, уыдон хъуамæ уой фæндвидар, уой æнæхæрам æмæ объективон. Уадз, сымах цы хайбавæрд хæссут паддзахады фæрныгадмæ, уымæн аргъ æрцæуæд аккагæй.

Мæ цæст уын уарзы фидар æнæниздзинад, æвидигæ энерги, ног æнтыстытæ Хуссар Ирыстоны хæрзиуæгæн.

Республикæ Хуссар Ирыстон-Паддзахад Аланийы Парламенты Сæрдар Гасситы Петр

 

***

Республикæ Хуссар Ирыстоны Хицауады Сæрдар Пухаты Эрик раарфæ кодта УФ-йы Цæгат Кавказы хъуыддæгты фæдыл министр Сергей Чеботаревæн йæ гуырæн боны цытæн.

Арфæйы телы дзырдæуы:

«Цытджын Сергей Викторы фырт!

Айс иууыл зæрдиагдæр арфæтæ дæ гуырæн боны цытæн.

Дæ бирæазон архайды фæрцы нæ бæстæты æхсæн динамикон æгъдауæй рæзынц бирæпланон дыууæварсон ахастытæ, дарддæр реализаци цæуынц социалон æгъдауæй ахсджиаг инвестицион проекттæ, кæцытæ здæхт сты Хуссар Ирыстоны æмбæстæгты царды æмвæзад фæбæрзонддæр кæнынмæ.

Ныфс мæ ис, дæ хайадистæй РХИ-йы æмæ УФ-йы æхсæн цæдисон ахастытæ дарддæр дæр активонæй кæй рæздзысты нæ бæстæты адæмты хæрзиуæгæн.

Дæ гуырæн боны дын мæ цæст уарзы фидар æнæниздзинад, æвидигæ энерги, хъæддыхдзинад дæ разылæууæг нысæнттæ къухты бафтын кæныны тыххæй, дæ бинонтæн та – сабырад æмæ фарн».