Республикæйы Президент Тыбылты Леониды арфæ РХИ-йы барадхъахъхъæнæг органты кусджытæн

 

Барадхъахъхъæнæг органты цытджын  кусджытæ æмæ ветерантæ!

Зынаргъ æмбæлттæ!

Айсут мæ иууыл хуыздæр арфæтæ уæ профессионалон бæрæгбон — Республикæ Хуссар Ирыстоны Барадхъахъхъæнæг органты кусæджы боны цытæн.

Республикæ Хуссар Ирыстоны Барадхъахъхъæнæг органтæн ис ахсджиаг бынат æмбæстæгты закъонон бартæ æмæ интерестæ хъахъхъæныны, се ‘дасдзинад ифтонг кæныны, фæткхалæнты ныхмæ лæууыны, не ‘хсæнады сабырдзинад хъахъхъæныны   хъуыддаджы. Растдæр сымахыл у баст адæмæн се ууæнк барадхъахъхъæнæг органтæ æмæ æмткæй паддзахадмæ.

Республикæ Хуссар Ирыстоны ныхмæ Гуырдзыстоны агрессийы уæззау азты сымах-мæ æрхауд бирæ зындзинæдтæ æмæ фæлварæнтæ. Сымахæн уæ къухты бафтыд æдгæрзтæ нæ адæмы кад æмæ намыс бахъахъхъæнын, уыимæ иумæ лæджыгъæд, уды хъару æмæ фидардзинад равдисгæйæ. Республи-кæйы барадхъахъхъæнæг органты кусджытæй бирæтæ сæ цард раттой нæ Фыдыбæс-тæйы хæдбардзинад æмæ фидæны сæрвæлтау. Уыдоны æгъуыстаджы хъæбатырдзинад мыггагмæ цæрдзæн нæ адæмы зæрдæты.

Ацы бон зæгъын бузныджы ныхæстæ барадхъахъхъæнæг органты æппæт ветерантæн, бирæ азты дæргъы нæ Фыдыбæстæйы хæрзæбонæн чи фæллой кодта, уыдонæн.

Барадхъахъхъæнæг органты цытджын  кусджытæ! Фидарæй мæ уырны, уæ профессионализм, лæджыгъæд, уæ разылæууæг хæсыл æнувыддзинад фадат кæй ратдзысты æнауæрдонæй кусынæн нæ паддзахады фидар кæнын, рæзын æмæ дидинæфтыды сæраппонд.

Ацы бæрæгбон уын мæ цæст уарзы фидар æнæниздзинад æмæ æнтыстытæ æмæ æфтиæгтæ уæ профессионалон архайды, уæ хиуæттæ æмæ æввахс адæмæн та  фæрныгад æмæ хæрзиуджытæ.

 

 

РЕСПУБЛИКÆЙЫ ПРЕЗИДЕНТ ТЫБЫЛТЫ

ЛЕОНИДЫ АРФÆ ХОСЕ ДАНИЭЛ ОРТЕГА СААВЕДРАЙÆН

Дæ бæрзонддзинад,

Æрвитын дын мæ иууыл зæрдиагдæр арфæтæ дæ райгуырæн боны, æмæ дæ ногæй Республикæ Никарагуайы Президенты бæрнон бынатмæ кæй сæвзæрстой, уый цытæн.

Æвзæрстыты дæ ныфсджын уæлахиз уыди ирд æвдисæн, адæм дын стыр аргъ кæй кæнынц, куыд националон раздзогæн, бæстæйы хицауиуæгад сфидар кæнын æмæ йæ социалон-экономикон рæзтмæ здæхт чи у, дæ равзаргæ уыцы фæндаг хорзыл кæй нымайынц, уымæн.

Ацы æхцон фадатæй пайда кæнгæйæ, Республикæ Хуссар Ирыстоны къухдариуæгад, нæ адæм æмæ мæхи номæй дын, цытджын Команданте Ортега, зæгъын стыр бузныджы ныхæстæ дунейы ‘рдыгæй нæ паддзахады банымайынмæ дæ хисæрмагонд хайбавæрды тыххæй.

Фидарæй мæ уырны, нæ иумæйаг хъаруты фæрцы хуссарирыстойнаг-никарагуайаг æмахастытæ рæвдз кæй рæздзысты æмæ кæй фидар кæндзысты нæ адæмты хæрзиуæгæн.

Мæ цæст дын уарзы фидар æнæниздзинад æмæ дарддæры æнтыстытæ дæ паддзахадон архайды, Республикæ Никарагуайы хæларадон адæмæн та — хæрзиуджытæ, фарн æмæ бирæ хæрзæбонтæ.

 

АРФÆ МÆСКУЫЙАГ ÆМÆ ÆППÆТ УÆРÆСЕЙАГ ПАТРИАРХ КИРИЛЛÆН

Дæ сыгъдæгдзинад,

Курæг дæ дæн, цæмæй мын айсай мæ иууыл зæрдæбындæр арфæтæ дæ юбилейы цытæн.

Ацы æхцон фадатæй пайда кæнгæйæ дын зæгъын мæ бузны-джы ныхæстæ нæ бæстæмæ дæ лæмбынæг ахасты тыххæй. Дæ ахъазы фæрцы Хуссар Ирыстоны сæйраг горæт Цхинвалы райдыдта Сыгъдæг Æртионы Кувæндоны арæзтад.

Стыр ныфс мæ ис, нæ иумæйаг хъаруты фæрцы, бирææнусон истори æмæ иумæйаг монон хæзнатæй баст Хуссар Ирыстон æмæ Уæрæсейы æнгом иудзинад дарддæр дæр фидар кæй кæндзæн.

Мæ цæст дын уарзы, дæ Сыгъдæгдзинад, фидар æнæниздзинад, бирæ азты цæрæнбон æмæ ног æнтыстытæ дæ уæзгæ растæвзарæн архайды.

Республикæ Хуссар Ирыстоны

Президент ТЫБЫЛТЫ Леонид

 

 

 

РХИ-ЙЫ ХИЦАУАДЫ СÆРДАР ХЪУЫЛЫМБЕГТЫ ДОМЕНТИЙЫ АРФÆ МИДХЪУЫДДÆГТЫ МИНИСТРАДЫ КУСДЖЫТÆ ÆМÆ ВЕТЕРАНТÆН

Республикæ Хуссар Ирыстоны Мидхъуыддæгты министрады цытджын кусджытæ æмæ ветерантæ!

Републикæйы Хицауад æмæ мæхи номæй Республикæ Хуссар Ирыстоны мидхъуыддæгты органты разамынад, æппæт сæрмагонд сконд æмæ ветерантæн зæрдиаг арфæ кæнын сæ профессионалон бæрæгбон — Барадхъахъхъæнæг органты кусæджы боны цытæн.

Милицийы рæнхъыты куыст у тынг вазыгджын, фæлæ уыйхыгъд у æхсæнад æмæ бæстæйæн æнæмæнгхъæуæг. Уый баст у удæн тасдзинадимæ, æхсæв æмæ боны кæцыфæнды афон дæр хæс сæххæст кæнынмæ цæттæдзинадимæ.

Республикæйы адæм аргъ кæнынц ветеранты лæджыгъæд, фидардзинад æмæ бæрзонд профессионализмæн æмæ кад кæнынц, абоны бон ведомствойы хорз традицитæ аккагæй чи æххæст кæны, уыдонæн. Æхсæнад барадхъахъхъæнæг органты раз æвæры стыр домæнтæ æмæ дзы у фыдракæндты ныхмæ тохы бæстон фæстиуджытæ æнхъæл, цæмæй ифтонг цæуой æхсæнадон æдасдзинад æмæ барвæтк.

Фæнды мæ банысан кæнын мидхъуыддæгты органты кусджыты лæджыгъæд. Уыдонæн барадхъахъхъæнæг структурæты се ‘нувыд куыст абон дæр у аккаг цæвиттон, нæ милицийы рæнхъытæм чи æрбацæуы, уыцы æрыгон фæлтæрæн.

Зынаргъ æмбæлттæ! Бар мын раттут, цæмæй уын зæгъон бузныджы ныхæстæ уæ куысты тыххæй, æмæ уын ноджыдæр ракæнон бæрæгбонон арфæ!

Æппæт зæрдæйæ уын зæгъын æнтысты, фидар æнæниздзинады, уæ хъарутыл æууæнчы æмæ хæрзиуджыты фæндиæгтæ!

 

 

РЕСПУБЛИКÆ ХУССАР ИРЫСТОНЫ

ПАРЛАМЕНТЫ СÆРДАР БИБЫЛТЫ АНАТОЛИЙЫ

АРФÆ МИДХЪУЫДДÆГТЫ МИНИСТРАДЫ КУСДЖЫТÆ ÆМÆ ВЕТЕРАНТÆН

 

Республикæ Хуссар Ирыстоны барадхъахъхъæнæг органты цытджын кусджытæ!

Айсут мæ зæрдиаг арфæтæ уæ профессионалон бæрæгбон —  Барадхъахъхъæнæг органты кусæджы боны цытæн!

Барадхъахъхъæнæг органтæ сты æхсæнад æмæ паддзахады интерестæ, æмбæстæгты бартæ æмæ сæрибардзинад хъахъхъæнджытæ. Организацигонд фыдгæндимæ тох, æхсæнады закъондзинад æмæ барвæтк хъахъхъæнын — уый у уæ разы, барадхъахъхъæнæг органты разы лæууæг хæстæн æрмæст сæ иу хай. Уæ архайд сымахæй домы бæрзонд профессионализм, лæджыгъæд æмæ удуæлдайдзинад, æдзух къæрцхъус æмæ рæвдз уæвын, æмæ уый фадат дæтты республикæйы сабырад æмæ фæтк сифтонг кæнынæн. Уæлдай бузныджы ныхæстæ мæ фæнды зæгъын барадхъахъхъæнæг органты ветерантæн, уыдоны намысджын куыст у æрыгон кусджытæн хуызæг æмæ цæвиттон.

Мæ цæст уарзы æппæт барадхъахъхъæнæг органты кусджы-тæн фидар æнæниздзинад, уды фидардзинад, хæрзиуджытæ æмæ æнтыстытæ сæ зын куысты Фыдыбæстæйæн лæггад кæны-ны сæраппонд.

Comments are closed, but trackbacks and pingbacks are open.