Республикæ Хуссар Ирыстоны Президент Бибылты Анатоли раарфæ кодта Приднестроваг Молдаваг Республикæйы Президент Вадим Красносельскийæн йæ гуырæнбоны цытæн.
Арфæйы телы дзырдæуы:
«Цытджын Вадим Никъалайы фырт!
Айс иууыл зæрдиагдæр арфæтæ дæ гуырæн боны цытæн.
Дæ кусæгон æмæ сæрмагонд миниуджытæ, нысанмæ тырнындзинад æмæ Фыдыбæстæйæн æнувыддзинад ссардтой аккаг авторитет æмæ кад æрмæст Приднестроваг Молдаваг Республикæйы нæ, фæлæ йæ арæнтæй ахизгæйæ.
Уадз, æмæ паддзахадон архайæджы фæлтæрддзинад æмæ æвидигæ куыстхъомдзинад, кæцытæ дывæр сты оптимизм æмæ æнтыстыты фидар æнувыддзинадимæ, дарддæр дæр æххуыс кæнæд фæстиуджытыл кусынæн, республикæйы ног æнтыстытæм кæнынæн.
Ныфс мæ ис, Хуссар Ирыстоны æмæ Приднестроваг Молдаваг Республикæйы ‘хсæн æмгуыстады фæдыл цы æмвæзад ис, уый кæй суыдзæн фидар бындур дыууæварсон ахастытæ дарддæр дæр уæрæх кæнынæн егъау спектры фæдыл нæ бæстæты хæрзиуæгæн.
Мæ цæст дын уарзы, цытджын Вадим Никъалайы фырт, фидар æнæниздзинад, энерги, фæрныгад æмæ куысты æппæт плæнтты реализаци Приднестровьейы адæ-мы хæрзиуæгæн».
Comments are closed, but trackbacks and pingbacks are open.