Æхсæнадон организаци «Адæмы ныфс»-ы Сидт

Зынаргъ æмфыдыбæстæйонтæ!

Æхсæнадон организаци «Адæмы ныфс» ахсджиагыл нымайы Хуссар Ирыстоны сæвзæргæ политикон кризисы тыххæй йæ хъуыды адæмы рæгъмæ рахæссын. Æнæмæнгхъæуæг у алцыдæр йæхи номæй схонын.

Паддзахадон  хицауады бакондæуыд къорд информацион конфликттæм, уый у дзыллон информациты, æмæ социалон хызæгты райтынггонд компани, кæцы здæхт у, цæмæй йæ слæмæгъ кæной æмæ фехалой.

Хуссар Ирыстоны знагон пропагандæ æрæмбырд кодта йæ тыхтæ цалдæр фронты:

хицауиуæгады минæвæрттæм, фыццаг рады милици æмæ чиновниктæм æнæуынондзинад сцырын кæнын;

РХИ-йы Президенты комкоммæ чъизи кæнын;

алыгъуызон, фыццаг рады геополитикон æмæ экономикон «дам-думты» пропагандæ, кæцыйы бындурыл ис ахæм идея, зæгъгæ, мах стæм сæфты къахыл лæуд. Хъæуы æвæстиатæй хицауады раппарын;

русофобон идеятæ размæ кæнын, кæцытæм гæсгæ Хуссар Ирыстоны æппæт проблемæты аххосджын у не стратегион æмцæдисон;

параллелон æгъдауæй ныгуылæны ‘вварсхæцæг æмæ гуырдзиаг дзыллон информацийы фæрæзты цæуы пропагандæ, кæцымæ гæсгæ Хуссар Ирыстоны ис, зиан чи хæссы, ахæм адæм, кæцытæн нæй нæдæр патриотизм, нæдæр хисæрмагонд паддзахады бар;

«Майдан»-ы идеяты комкоммæ пропагандæ – коррупци æмæ «тиранийы» ныхмæ тохы æфсоны бын хицауады раппарын;

Хуссар Ирыстоны хицауадæй агрессивон æмæ мæнгард фæлгондз саразын, кæцыимæ нæй гæнæн хъуыддæгтæ аразын;

Хуссар Ирыстонæй гæвзыкк æмæ фæстæзад фæлгондз саразын, кæцы алцæмæй дæр у  Гуырдзыстонæй дæлдæр.

Антиирон компанийы мидис ис уый мидæг, цæмæй бауырнын кæной уыцы уæрæсейæгтæн, Гуырдзстонæн пайда чи у, уыцы тезисты егъау нымæцы æцæгдзинады тыххæй. Ацы тезистæй иуæй-иутæ сты мæнг æмæ æнæхъола, иннæтæ та  гъæдджынæй зыгъуыммæ кæнынц реалон факттæ.

Ацы ярлыктæ ныббиноныг кæнын уагъд цæуы алыгъуызон информацион каналтыл бирæ хатты сфæлхатт кæныны фæрцы.

Бибылты Анатоли сæмбæлд диверсиимæ йæ разамынды райдианæй æрмæстдæр уый тыххæй, æмæ æвзæрстыты кæй рамбылдта стыр æнтыстимæ æмæ уымæй сæ хъуыддæгтæ схæццæ кодта цымыдисгæнджыты къордæн.

Мах хорз организацигонд тыхимæ хъуыддаг кæй ис, ууыл дызæрдыг мачи хъуамæ кæна. Мах мидæггагон знæгтимæ хъуыддаг кæй ис, уый дæр бæрæг у. Нæдæр иутæ, нæдæр иннæтæ, ницахæм методтыл нæ æлгъ кæнынц. Цахæм нысæнттæ сын ис – геополитикон, мидполитикон кæнæ финансон, ахсджиаг уый нæу, æппæт сæ архайдтытæ паддзахаддзинадæн хæссынц æнæсрастгæнгæ зиан, уымæн æмæ уыдон дих кæнынц æхсæнады. Хъыгаг уый у, æмæ Хуссар Ирыстоны æхсæнадон архайджытæ æмæ политиктæ гæнæн ис уавæр нæ бамбаргæйæ, барвæндæй æви æнæбарæй, ахъаз кæнынц æвзæрдæр варианты республикæйы  90-азтæм раздахынмæ. Фæлæ иууыл фылдæр фарстатæ ис уыдонмæ, кæцытæ сæхи æвдисынц адæмы фæндон æвдисджытæй, лæууынц афтæхуыйнæг оппозицион змæлды сæргъ, уыимæ сæ серьезонæй ныфс ис, ацы авантюрæйы кæройнаг хатдзæджы сæ фæндтæ сæххæст кæнын сæ къухты кæй бафтдзæн, уымæй.

Куыд зыны, уымæ гæсгæ сын уымæй ныфс æвæрынц сæ куратортæ.

Зынаргъ æмфыдыбæстæйонтæ! Сидæм уыдонмæ, кæцытæ активонæй баконд æрцыдысты, афтæхуыйнæг, политикон тохы процессмæ. Æркæсут, æмæ сымах фендзыстут реалондзинад: манипулятортæ фæлварынц уавæр сызмæнтынмæ, æмæ сын уый тыххæй фæрæзтæ дæр ис. Хуссарирыстойнаг адæм алы хатт дæр æппæт фарстатæ дæр скъуыддзаг кодтой цивилизацион æгъдауæй, бæстæйы интересты тыххæй æнæ æддагон тыхтæй.

Хъахъхъæнут уæхи æмæ уе ‘ввахс адæмы, бындуриуæг кæнут раст хъуыдыкæнынад æмæ куырыхондзинадыл.

Мах уырны, Бибылты Анатоли 2017 азы йæхимæ райста бæрндзинад республикæйы тыххæй æмæ  хъуыддаг кæронмæ кæй акæндзæн, уый. Мах хæцæм нæ Президенты æмæ ныртæккæйы политикон курсы фæдфæдылдзинады æвварс.

Нæ Президент политикон царды сæргъ лæууы уæлдай вазыгджындæр рæстæджы. Ныртæккæ йæ хъæуы æппæт йе ‘фсæддон фæндондзинад, ныфсхастдзинад æмæ быхсындзинад, цæмæй контроль кæна уавæры цыдыл æмæ ма бауадза Хуссар Ирыстоны ныппырх кæнын.

Мах абон нæ Президентæн æвдисæм нæ фарсхæцынад куыд адæймаг, ирон, патриот, афтæ, кæцыйы мах федтам хæсты 2008 азы трагикон бонты.

Адæм куыдфæндыйы цæстæй нæ кæсынц, абон бæстæйы цы цæуы, уымæ. Хорз фидæны тыххæй катайдзинад æмæ ныфс нæ организацийы æрæмбырд кодта алыгъуызон цæстæнгасты æмæ професситы адæймæгты. Уыдон иууылдæр æвдисынц сæ бузныгдзинад Президентæн, æппæт нæ иницативæты фарсхæцынады, æдзухон æххуысы тыххæй.

Мах хъуамæ саразæм алцыдæр, цæмæй аскъуыддзаг кæнæм сæйраг хæс.

Цæй мидæг ис уыцы сæйраг хæс? Уый ис уый мидæг æмæ æнæмæнгхъæуæг у бæстæйы стабилон, фидар рæзты тыххæй фæдфæдылондзинад бахъхъхъæнын æмæ йын гаранти радтын политикон тæссагдзинæдтæй.  Фæрныгады рæзт æмæ Фыды-бæстæйы æдасдзинад.

Æххуысгæнæг нын уæд Сыгъдæг Уастырджи!

Ист æрцыд республикон æхсæнадон змæлд

 «Адæмы ныфс»-ы советы

2021 азы 26 январы