Хуссар Ирыстон хайад райсдзæн Донецкы æхсæнадæмон инвестицион форумы, кæцы уагъд цæуы 20 октябрæй 30 октябрмæ.
Делегацийы сконды сты Хицауады Сæрдары хæдивæг, Экономикон рæзты министр Бекъойты Геннади, Президенты Администрацийы къухдариуæггæнæг Козаты Игорь æмæ æндæр официалон адæймæгтæ.
Бекъойты Геннадийы ныхæстæм гæсгæ, форумы фæлгæтты уынаффæ цæудзæн Республикæ Хуссар Ирыстон æмæ Донецкы Адæмон Республикæйы ‘хсæн дыууæ фарсон базарадон-экономикон æмгуысткæнынады рæзты фарстатыл.
«Хуссар Ирыстоны къухдариуæгады æддагполитикон курс йæ ных радта хæларадон бæстæ-тимæ, уыцы нымæцы æфсымæрон Донецкы Адæмон Республикæимæ æмгуысткæнынад рауæрæх кæнынмæ. Активонæй рæзынц кæрæдзиимæ бастдзинæдтæ экономикæйы фадыджы дæр æмæ æндæр здæхтыты дæр. Инвестфорум уæрæх фадæттæ дæтты дарддæры ахастытæн сæудæджерадгæнджыты, бизнесменты, хуссарирыстойнаг туристон потенциал раразмæ кæныны æмæ кондадон сегменты экспертон æмæхсæнадимæ кæрæдзийæн сæ хъуыдытæ дзурыны тыххæй», – фехъусын кодта вице-премьер.
Уый ма йæ ныхасмæ бафтыдта, зæгъгæ, нæ делегаци инвест-форуммæ ласы фыдыбæстæйаг продукцийы алыгъуызон хуызтæ, кæцытæ æвдыст æрцæудзысты Хуссар Ирыстоны павильоны.
Comments are closed, but trackbacks and pingbacks are open.