Хицауады Сæрдар Бекъойты Геннади хайад райсдзæн Дунеон форум «Российская энергетическая неделя»-йы (РЭН), кæцы уагъд æрцæуы Мæcкуыйы 13-15 октябры. Форумы нысан, у уæрæсейаг æртагон-энергетикон комплексы перспективæтæ æмæ энергетикæйы фадыджы дунеон æмгуыстады хъомысад реализаци кæнынад равдисын. Форум суыдзæн экономикæйы сæйраг сектор цы проблемæтыл сæмбæлы, уыдоныл æмæ нефтегазон фадыджы рæзты актуалон проблемæтыл æруынаффæ кæныны фæзуат.
«РЭН-2021»-ы хъуыддагон программæйы ис фарстыты егъау спектр, уыцы нымæцы энергийы традицион æмæ ног гуырæнтæй пайда кæнын, дунеон энергетикон æмгуыстады перспективон здæхтыты, углеродон нейтралондзинады рæзт.
«Российская энергетическая неделя»-йы бæстæтæ-хайадисджыты уæрæх географи бæрæг кæны боны фæткы актуалондзинад æмæ дунеон энергетикæйы Уæрæсейы ахсджиаг нысаниуæг. Абон, фадыджы масштабон ивын-дзинæдты рæстæджы, уæлдай ахсджиаг у диа-логы цæуын æмæ æнгомæй кусын куыд национ, афтæ глобалон нысæнттæ æнтыстджынæй æххæст кæныныл», – банысан кодта Бекъойты Геннади.
Банысан кæнын хъæуы, «РЭН» фидар кæй æрцыд мадзæлтты дунеон къæлиндары сæй-раг коммуникацион фæзуаты хуызы дунеон энергетикон фадыджы æмæ æртагон сæудæджерады рæзты актуалон фарстытыл æруынаффæ кæнынæн, æмæ традиционæй уагъд цæуы Уæрæсейы Федерацийы Президент, фæсарæйнаг официалон адæм, дунеон организа-циты къухдариуæггæнджытæ, егъау компаниты сæргълæуджытæ, экспертон æмæ медийон æмæхсæнадты минæвæртты хайадистæй.
Форум уагъд цæуы 2017 азæй æмæ Уæрæсейы, йæ арæнтæй ахизгæйæ дæр райста энерго-эффективондзинады фадыджы сæйраг цауы статус.
Форумы сæйраг программæйы ис 70 мадзалæй фылдæр – алыгъуызон форматты, ахæмтæ, куыд панелон сесситæ, тымбыл фынгтæ, лекцитæ, фадыджы специалистты фембæлдтытæ æмæ æндæртæ. Форумы куысты хайад исынц сæдæйæ фылдæр фæсарæйнаг паддзахадты æмæ территориты минæвæрттæ.
Comments are closed, but trackbacks and pingbacks are open.