РХИ-йы Хицауады Сæрдар Пухаты Эрикы къухдариуæгадæй цы радон рабадт ауагъдæуыд, уым уынаффæ кодтой 2018-2019 азтæн Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы реализацийы фарстатыл.

Æмбырды дзырд цыдис Инвестпрограммæйы объектты арæзтады рæстæджы  сæвзæргæ проблемæтæ æмæ фарстатыл, афтæ ма раздæры æмбырды цы хæслæвæрдтæ æрцыд лæвæрд, уыдон куыд æххæст цæуынц, уыдæттыл.

 ПУК «Капиталон арæзтады управлени»-йы къухдариуæггæнæг Джиоты Робертæн бахæс чындæуыд, цæмæй йæхимæ райса арæзтадон объект «Спортивон комплекс «Олимп»-ы цур парк схæрзарæзт кæнын»-ы арæзтадон темптыл контроль кæнын. Уый æрæмбырдуæвджыты базонгæ кодта бакæнгæ куысты фæстиуджытимæ.

Парк схæрзарæзт кæныныл кусæг подрядон организаци ООО «Цхинвалы арæзтадон компани»-йы минæвары ныхæстæм гæсгæ, объекты активон куыст цæуы донифтонгады хæтæлтæ æвæрыныл, къул сæрдыны æмæ электроифтонгады хызæджы арæзтадыл.

«Ныртæккæ уал 1200 квадратон метры бæрц цæттæ у плиткæ æвæрынмæ, куыст цæуы бордюртæ æвæрыныл. Объект эксплуатацимæ радтын фæнд кæнæм ацы азы сентябры æмбисы», – бамбарын кодта уый.

Арæзтады,  архитектурæ æмæ Цæрæнуатон-коммуналон хæдзарады министры хæди-вæг Гуыцмæзты Илья æрæмбырдуæвджыты базонгæ кодта Инвестпрограммæйы объектты куыстыты темптимæ, сæрмагондæй  та горæт Цхинвалы, Ленингоры поселок æмæ г. Къуайсайы  уынгты хæрзарæзтадон куыстытимæ, афтæ ма Мемориалон комплекс æмæ донуадзæн Уанат-Цхинвалы арæзтады темптимæ.

Дарддæр æмбырды хайадисджытæ уынаффæ кодтой, объектты куыстытæ куыд æххæст цæуынц æмæ хыгъдон документаци цы темптæй арæзт цæуы, æппæт уыдæттыл.

Хицауады Сæрдар æрсидт подрядон организациты къухдариуæггæнджытæм, цæмæй  йæ зонгæ кæной, арæзтадон-æндидзынгæнæн куыстыты рæстæджы цы проблемон фарстатæ сæвзæры, уыдонимæ.

«Исты зындзинæдтæ уын куы фæзына объекттæ аразыны рæстæджы, уæд-иу сæ фехъусын кæнут, цæмæй мах оперативонæй мадзæлттæ исæм сæ аиуварс кæныны тыххæй», – банысан кодта Пухаты Эрик.

Республикæ Хуссар Ирыстоны

Хицауады официалон сайт

Ацы æрмæджытæ дæр бакæс:

ÆРУЫНАФФÆ КОДТОЙ СРАЗЫДЗИНАД  РЕАЛИЗАЦИ КÆНЫНЫ ФАРСТАТЫЛ Æмбырд инвестпрограммæ реализаци кæныны фæдыл Бибылты Анатоли: «Куысты махæн ахсджиаг у фæстиуæг» БИБЫЛТЫ Анатоли: «Арæзтадон куыстытæ хъуамæ фæуой æмгъуыдмæ æмæ гъæдджынæй» РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.