Хуссарирыстойнаг æвзонг спортсментæ хайад райстой æмхæццæ хæстон аивадæй Уæрæсейы ММА федерацийы чемпионаты. Командæйы сконды уыд 9 адæймаджы æмæ сæ алкæмæн дæр бантыст майдан рамбулын. Ерысты уæлахиздзаутæ систы Мамытаты Роман æмæ Æлборты Елизаветæ. Романæн ахæм æнтыст йæ къухты бафтыд 80 кг уæзы категорийы, Елизаветæйæн та 40 кг. Чемпионаты æвзист призертæ та систы Пухаты Умар (45 кг) æмæ Джиоты Артем (50 кг). Цхинвалмæ бронзæйон хорзæхтимæ та æрæздæхтысты Гуыззыдтаты Дмитри (40 кг), Бекъойты Шамиль (35 кг), Харебаты Давид (45 кг), Пæррæстаты Олег (50 кг) æмæ Одтаты Артур (55 кг).

«Тынг æхсызгон нын у афтæ бирæ майдантæ рамбулын. Кæй зæгъын æй хъæуы, уæлдай тынгдæр райгонд стæм чемпионаты уæлахиздзаутæй. Спортсменты номæй мæ бузныг зæгъын фæнды паддзахады сæргълæууæг Бибылты Анатолийæн ерыстæм ацæуынæн нын кæй бахухыс кодта, уый тыххæй», – банысан кодта тренер Хъуылымбегты Мамед.

Хуссарирыстойнаг спортсменты бацæттæ кодтой тренертæ Хъуылымбегты Мамед, Хаситы Зелим, Бестауты Азæмæт, Дзабиты Артем æмæ Хетæгкаты Яков.

ХУРИТЫ Батрадз

Ацы æрмæджытæ дæр бакæс:

ÆМХÆЦЦÆ ÆМБУАР ХÆСТ Default ThumbnailСпорт Карате Default Thumbnail2020 азы спортивон æнтыстытæ Default Thumbnail2019 азы спортивон цаутыл афæлгæст

Comments are closed, but trackbacks and pingbacks are open.