Цæгат Ирыстоны Мыхуыр æмæ дзыллон коммуникациты хъуыддæгты фæдыл комитеты сæрдар Фидараты Юри æмæ Хуссар Ирыстоны Информаци æмæ мыхуыры паддзахадон комитеты сæрдар Хъотайты Мария сæ къухтæ æрфыстой «Мыхуыр, информацион фæрæзты æмæ чиныгуадзыны фæлгæтты» æмгуыстады фæдыл сразыдзинадыл.
СРАЗЫДЗИНАДЫ ФÆДЫЛ КОММЕНТАРИТÆ
Цæгат Ирыстоны Мыхуыр æмæ дзыллон коммуникациты хъуыддæгты фæдыл комитеты сæрдар Фидараты Юри:
– Абон къухтæ цы сразыдзинадыл фыст æрцыд нæ хуссайраг коллегæтимæ, ууыл рагæй хъуыды кодтам. Уымæн æмæ, куыд æй зонут, афтæмæй абон ирон æвзаг, ирон традицитæ, ирон æгъдæуттæ раппæлинаг уавæры не сты. Нæ кæсдæр фæсивæд, куыд кæсæм, афтæмæй се ‘взагыл дзурын сæ сæрмæ уадиссаг нал хæссынц. Фидæны фысджытæ, журналисттæ, кæм хъуамæ ссарæм, нæхи ‘хсæн сæ куынæ ссарæм – хуссары дæр æмæ цæгаты дæр, уæд.
Сразыдзинадыл къухтæ æрфыстам, цæмæй кæрæдзиимæ фылдæр æмцег , æмархайдкæнæм, кæрæдзийы кæсдæрты ахуыр кæнæм. Уый ахсджиаг у, уымæн æмæ кæрæдзийы æрцæугæ хабæрттæ хъуамæ зонæм. Мах иу адæм стæм æмæ абон куынæ бацархайæм, уæд райсом байрæджы уыдзæн. Нæ сразыдзинад формалон нæу, уый зæрдæйæ рацæугæ хъуыддаг у.
Хуссар Ирыстоны Информаци æмæ мыхуыры паддзахадон комитеты сæрдар Хъотайты Мария:
– Сразыдзинад ахсджиаг у, фæлæ дзы цæмæй хъуыддаджы пайда æрцæуа, уый тыххæй кусын хъæуы нæхи, хæларадон, æмбаргæ уавæрты. Махæн ахсджиаг у, цæмæй ацы сразыдзинады фæлгæтты хуссар æмæ цæгаты журналисттæ кæрæдзийы хуыздæр базоной, кæрæдзийæн информаци дæттой æрцæугæ цауты фæдыл. Нæ хæларадон ахастытæ баст сты, кæрæдзиимæ куыд арæх æмбæлæм иу фынджы фарсмæ, ууыл. Бирæ æнæформалон фембæлдтыты рæстæджы бæрæг кæны кæрæдзимæ хъарм ахаст. Æппæт ахæм хъуыддæгты фæстæ та сразыдзинадæн царды æнæ ныбиноныггæнгæ нæй.
Comments are closed, but trackbacks and pingbacks are open.