Республикæ Хуссар Ирыстоны Президент Бибылты Анатоли йæхимæ райста, Хуссар Ирыстоны ныхмæ Гуырдзыстоны хæстон агрессийы рæстæджы кæй хæдзæрттæ бахъыгдард сты, уыцы æмбæстæгты.
Республикæйы сæргълæууæг радзырдта цæрæнуат сцалцæг кæныны фæдыл цы куыст цæуы, уый тыххæй.
«2018 азы Хуссар Ирыстоны столицæйы æмæ йæ районты сæндидзын æмæ сцалцæг кодтой 50 хæдзары бæрц. Ацы аз мах сцалцæг кæндзыстæм ноджы 50 хæдзары æмæ ма 30 фатеры. Æз хорз æмбарын фарсты вазыгджындзинад æмæ куыд зын у æнхъæлмæ кæсын, фæлæ æз абон куы зæгъон, цы цæрæнуæттæ ныппырх сты, уыдон сцалцæг кæнынæн æппæт фæрæзтæ самал кæндзынæн, уæд æз мæ ныхас нæ сæххæст кæндзынæн», – загъта Бибылты Анатоли.
Уый ма банысан кодта, ацы азы арæзтадон куыстытæ кæй райдыдтой.
«Ацы аз цы арæзтад план кæнæм, уый ныр райдыдта. Уыимæ иумæ иртæст цæудзысты куырдиæтты æндæр парти æмæ арæзт æрцæудзысты номхыгъдтæ», – банысан кодта Президент.
Бибылты Анатоли банысан кодта, зæгъгæ, 2008 азы цы цæрæнуæттæ ныппырх сты, уыдон цалцæг кæй æрцæудзысты.
РХИ-йы Президент æмæ Хицауады пресс-службæ
Comments are closed, but trackbacks and pingbacks are open.