Арфæгонд ут аразджытæ!

Арæзтады фадыджы цытджын минæвæрттæ!

Арфæ уын кæнын уæ профессионалон бæрæгбон – Аразæджы боны цытæн!

Аразæг у иууыл хъæугæдæр професситæй сæ иу, аразæг адæймаджы професси, кæцыйы куыст у материалон исады бындур.

Аразджыты тыхты фæрцы, уæ квалификаци æмæ удуæлдайдзинадæй æнтыстджынæй реализаци цæуы Республикæ Хуссар Ирыстоны социалон-экономикон рæзтæн ахъазгæнæг Инвестицион программæ. Æххæст цæуы куыст æхсæнадон ахсджиаг объекттæ, цæрæнуæттæ аразын æмæ реконструкции кæнын, фæндагон-транспортон инфраструктурæйы хæрзарæзт æмæ рæзтыл. Уæ æрвылбонон куыст ахъаз кæны не ‘мбæстæгты царды гъæд фæхуыздæр кæнын, у паддзахады рæзты цырв.

Зынаргъ хæлæрттæ!

Ныфс мæ ис, уæ куыстуарзондзинад, бæрндзинад æмæ курдиат дарддæр дæр кæй ахъаз кæндзæн Республикæ Хуссар Ирыстон рæсугъддæр кæнынæн.

Ацы нысаниуæгджын боны уын мæ цæст уарзы фидар æнæниздзинад, амонд æмæ фæрныгад! Уадз æмæ уæ плæнттæ иууылдæр æххæст æрцæуой! Уадз æмæ уæ цардфæндаджы уа æнтыстытæ!

Республикæ Хуссар Ирыстоны Президент БИБЫЛТЫ Анатоли