Нæ республикæйы 10 апрелы радон Президентон æвзæрстытæ кæй цæудзысты, уый фæдыл тыхон структурæтæ исынц æмбæлон мадзæлттæ æдасдзинад бахъахъхъæныны тыххæй. Мидхъуыддæг-ты министрады дæр уагъд æрцыд æмбырд министры хæстæ рæстæгмæ æххæстгæнæг Пухаты Мерабы сæргълæудæй, цыран æрдзырдтой æвзæрстытæм цæттæгæнæн куыстытыл. Развæлгъау арæзт æрцыд ор-ганизацион-практикон мадзæлтты план æмæ уымæ гæсгæ алы кусæгæн дæр йæ хæстæ æмбæрстгонд уыдзысты.
Æвзарæн фадгуыты бæстыхæйттæ бонраздæр райсдзысты сæхимæ милицийы кусджытæ, ацæудзысты дзы инженерон-саперон басгæрст сæрмагонд техникон ифтонггæрзтæ æмæ æрмахуыр куыйтæй спайда кæнгæйæ. Уымæй уæлдай ма милицийы кусджытæ фæкæсдзысты Централон æвзарæн къамисмæ бюллетентæ ласынмæ. Милицийы кусджытæ ма æхсæнадон фæтк хъахъхъæндзысты Мæскуыйы, Абхазы республикæйы æмæ Цæгат Ирыстон-Аланийы æвзарæн фадгуыты дæр æмæ ныридæгæн уыцы бынæттæм снысангонд кусджытæ ацыдысты сæ службæйон хæстæ æххæст кæнынмæ.
Нæ республикæйы территорийыл æхсæнадон фæтк хъахъхъæндзысты Мид-хъуыддæгты министрады æппæт дæлхæйттæ дæр æмæ æдæппæт сæ нымæц хæццæ кæндзæнис 600 адæймагмæ. Ӕвзарæн фадгуыты бахизæнты пайда кæндзысты металлодетектортæй, уынгты та фæфылдæр уыдзысты милицийы патрулон экипажтæ. Æппæт райсгæ мадзæлттæ здæхт сты, цæмæй æвзæрстытæ ацæуой сабырæй æмæ æнæфæткхалæн цаутæй.
Нæ уацх.
Comments are closed, but trackbacks and pingbacks are open.