Республикæ Хуссар Ирыстоны Президент Быбылты Анатоли раарфæ кодта Аслан Бжанияйæн Республикæ Абхазы Президенты бынатмæ официалонæй кæй бахызт, уый цытæн.
Арфæйы телы дзырдæуы:
«Цытджын Аслан Георгийы фырт!
Республикæ Хуссар Ирыстоны адæм, къухдариуæгад æмæ дын сæрмагондæй мæхи номæй арфæ кæнын Республикæ Абхазы Прези-денты бынатмæ официалонæй кæй бахызтæ, уый цытæн.
Марты æвзæрстыты фæстиуджытæ фенын кодтой Республикæ Абхазы адæмы раз дæ лæггæдты æхсæнадон банымад, йæ бæрзонд æууæнкдзинад æмæ дæ программæйы фæдыл æххуыс, кæцы здæхт у бæстæйы алыварсон рæзтмæ æмæ дзуапп дæтты йе ‘мбæстæгты æнхъæлмæкастæн.
Фæнды мæ банысан кæнын, мах кæй фæнд кæнæм ирон-абхазаг æхсæнпаддзахадон ахастытæ дарддæр рæзын кæнын, уыдонæн сæ барадон базæ сфидар кæнын, æмæ кæрæдзийæн пайдайы æмгуыстады проекттæ æххæст кæнын.
Мæ цæст дын уарзы, цытджын Аслан Георгийы фырт, фидар æнæниздзинад, ног æнтыстытæ æмæ æппæт плæнтты реализаци, кæцытæ здæхт сты Республикæ Абхазы дидинæфтыдмæ, абхазы æфсымæрон адæмæн та сабырад æмæ фæрныгад!»
Банысан кæнын хъæуы, Республикæ Абхазы Президент Аслан Бжанияйы инаугурацийы церемони уагъд кæй æрцыд Сухумы президентон галуаны конференц-залы. Инагурацийы Бибылты Анатолийы Арфæйы фыстæг бакаст Республикæ Абхазы Республикæ Хуссар Ирыстоны Уæлвæткон æмæ Æххæстбарджын минæвар Боциты Олег.
Comments are closed, but trackbacks and pingbacks are open.