Хъамболаты Марат нысан æрцыд федералон паддзахадон бюджетон уагдон «Национ иртасæн центр «Курчатовы номыл институт»-ы директорæй. Уый тыххæй æмбæлон уынаффæйыл йæ къух æрфыста УФ-йы премьер-министр Михаил Мишустин. Уый райгуырд 1965 азы 2-æм январы Цæгат Ирыстоны. 1988 азы каст фæцис Хæххон хъæууонхæдзарадон институт, 1994 азы та каст фæцис УФ-йы Президенты управленийы академи.
Хъамболаты Марат цалдæр азы уыд Национ иртасæн центры вице-президент. Уый размæ та куыста Федералон антимонополон службæйы, национ æмæ регионалон политикæйы хъуыддæгты фæдыл министрады, сæудæджерад, зонад æмæ технологиты министрады. 2006 азæй уыд зонад æмæ инновациты фæдыл федералон агентады къухдариуæггæнæджы хæдивæг. 2010-2014 азты куыста УФ-йы ахуырад æмæ зонады министры хæдивæгæй. Ис ын Уæрæсейы паддзахадон службæйы – 1-аг къласы æцæг паддзахадон уынаффæгæнæджы чин. Курчатовы номыл институтæн бындур æвæрд æрцыд 1943 азы. Институт архайы ядерон физикæйы фадыджы иртасæнтыл. Ам бакуыст æрцыд советон атомон бомбæйы проект. Цæгат Ирыстонæй рацæугæ Хъамболаты Марат у юридикон зонæдты кандидат.
Абон Курчатовы номыл национ иртасæн институт у УФ-йы егъаудæр зонадон организаци, кæцыйы сконды ис алыгъуызон профилты 11 зонадон уагдоны.
Comments are closed, but trackbacks and pingbacks are open.