Хуссар Ирыстоны скъолатӕй ӕртӕ ахуырдзауы хайад райсдзысты зынгӕ телевизион программæ «Умники и умницы»-йы. Уый тыххӕй агентад «Рес»-ӕн фехъусын кодта республикӕйы ахуырад ӕмӕ зонады министрады пресс-секретарь Плиты Янæ.
Финалмӕ ахизыныл тох кӕндзысты №2 астӕуккаг скъолайы 11-ӕм къласы ахуыргӕнинаг Тасойты Адæ, Аивӕдты лицейы 11-ӕм къласы ахуыргӕнинаг Джиоты Батрадз ӕмӕ скъола «Альбион»-ы 11-ӕм къласы ахуыргӕнинаг Коцты Владислав.
Плиты чызг куыд банысан кодта, афтӕмӕй программӕйы хайад райсынӕн равзӕрстой иууыл тыхджындӕр ахуырдзауты.
«Хонӕн гæххæтт ӕрцыд Ахуырад ӕмӕ зонады министрадмӕ алæвæрды уадзӕг Юрий Вяземскийӕ. Ацы ӕртӕ сывӕллоны ӕвзаргæйæ, хынцыд ӕрцыдысты сӕ нысӕнттӕ, республикон олимпиадæты фӕстиуджытӕ. Ӕвзæрстам иууыл тыхджындӕрты фӕсарӕйнаг литературæ ӕмӕ историйӕ, ӕмӕ ацы сывӕллæттӕн уыд иууыл хуыздæр фӕстиуджытæ», – загъта Плиты чызг.
Йӕ ныхӕстӕм гӕсгӕ, хонӕн гæххæтт райстой августы ӕмӕ ахуырдзаутӕн уыд рæстæг бацӕт-тӕ кӕнынæн.
«Уыдонӕн радтой, алӕвӕрды цы ӕртӕ темæ уыдзӕн, уыдон. Ахуыргӕнджытæ сын активонæй ӕххуыс кодтой. Агуырдтой сын ли-тературæ фылдӕр информацийæн, кæцы нӕй скъолайы программӕйы. Се ‘ртæ дӕр фӕнд кӕнынц ацы профилы ахуыр адарддӕр кӕнын – ӕхсæнадӕмон ахастытӕ, ӕхсæнадæмон барад. Дыууӕ дзы скъола фӕуд кӕнынц ӕвзист майдантыл», – банысан кодта Плиты Янæ.
Уый ма фехъусын кодта, зӕгъгӕ, съемкӕтӕ уагъд цæуынц 18,19 ӕмӕ 20 ноябры 12 сахатæй изæры 9 сахатмæ. Сывæллæттæ, йæ ныхæстæм гæсгæ, дыццæджы ацыдысты Мӕскуымӕ. Семæ сты сӕ ныййарджытæ.
«Умники и умницы» у æппæтуæрæсейон гуманитарон олимпиадæ. Æхсæнадæмон ахастыты Мæс-куыйы паддзахадон институтæй (МГИМО), кæцыйы уæлахиздзаутæ бацæуынц ацы уæлдæр ахуыргæнæндонмæ æнæ фæлварæнтæй.
ИА «Рес»
Comments are closed, but trackbacks and pingbacks are open.