Горæтæй районтæм цæугæйæ, фæндæгтыл фенæн ис милицийы стационарон постытæ. Кæцыдæртæ дзы уæвынад кæнынц суанг Советон Цæдисæй фæстæмæ, сæ бынат æнæаивгæйæ, иннæтæ та ногæй æрцыдысты æвæрд. Ахæм ног æвæрд пост ис Цхинвал-Знауыры фæндаджы 8-æм километры дæр, кæцы æвæрд у Аунеуы хъæугæрон.
Ацы пост хаст æрцыд хъæуы астæуæй хъæугæронмæ дыууæ азы размæ æмæ уæдæй фæстæмæ милицийы кусджытæ хæрзарæзт кæнынц посты бæстыхай дæр æмæ йæ алфæмблай дæр. Цалдæр боны размæ постмæ ‘ввахс территорийыл ныссагътой бæрз æмæ мохъойы талатæ. Знауыры районы автоинспекцийы хайады сæргълæууæг Коцты Ярослав куыд загъта, афтæмæй ацы мадзалы хайад райс-той, посты чи фæлæууы, уыдон.
«Мах ацы талатæ æрластам Рукъæй. Уым фæндæгтæ цалцæг кæнынц æмæ кæмдæрты фæндаг ауæрæх кæныны фæстиуæгæн скалынц та-латæ. Ам бынаты та бахатыдыстæм Знауыры администрацийы къухдариуæгадмæ, цæмæй нын рахицæн кæной трактор. Мах ын æртаг ныккодтам æмæ нын, талатæ кæм хъуамæ ныссагътаиккам, уыцы бынат алæгъз код-та. Стæй нын ракъахта уæрмытæ æмæ ныссагътам талаты. Талатæ сагъд æрцыдысты, куыд уæлвæндаг, афтæ дæл-вæндаг æмæ куы сырæзой, уæд хорз рафидауын кæндзысты ацы бынат», – банысан кодта Коцты Ярослав.
Джиоты Александр
Comments are closed, but trackbacks and pingbacks are open.