Цхинвалы районы администрацийы кусджытæ бабæрæг кодтой Хелцуайы хъæуы цæрæг, Стыр Фыдыбæстæйон хæсты ветеран Мæлдзыгаты Владимиры.
Ветеранæн паддзахады сæргълæууæг Бибылты Анатолийы номæй бакодтой зæрдылдарæн лæвæрттæ, иууыл хуыздæр фæндиæгтæ æмæ арфæйы ныхæстимæ. Цхинвалы районы администрацийы сæргълæууæджы хæстæ æххæстгæнæг Бибылты Валери куыд банысан кодта, уымæ гæсгæ Мæлдзыгаты Владимирмæ хæстмæ æрсидтысты 1944 азы, 17 азы йыл куы цыд, уæд.
«Уый хайад иста Одессæ ссæрибар кæныны тохты. Абон ыл кæд 92 азы цæуы, уæддæр хъуыды кæны йæ хæстон æмбæлтты æмæ Стыр Фыдыбæстæйон хæсты тæссаг бонты», – загъта Бибылты Валери.
Уый ма йæ ныхасмæ бафтыдта, зæгъгæ, Мæлдзыгайы фырт у хъайтардзинад æмæ лæгдзинады удæгас цæвиттон рæзгæ фæлтæрæн. Уый у Райгуырæн бæстæйы æцæг патриот.
«Мах ныфс ис, Хуссар Ирыстоны абоны фæсивæд алы хатт дæр аккаг минæвæрттæ кæй уыдзысты нæ паддзахадæн æмæ кæй суыдзысты хорз цæвиттон республикæйы фидæны фæлтæртæн», – банысан кодта районы администрацийы сæргълæууæджы хæстæ æххæстгæнæг.
Comments are closed, but trackbacks and pingbacks are open.