30-31-æм октябры Мæскуыйы уыдис Æхсæнадæмон таможнæйон форум. Уым архайдта РХИ Таможнæйы комитеты сæргълæууæг Цоциты Алыксандр.
Брифингы рæстæджы уый журналисттæн радзырдта, форумы цы фарстатыл дзырдтой æмæ РХИ-йы делегацийæн хъуыддагон фембæлдтытæ кæимæ уыд, уый тыххæй. «Сæрмагондæй мæнæн, куыд ног разамонæг афтæ иттæг ахсджиаг уыд ахæм æмвæзадыл уагъд форумы хайад кæй райстон. 25 бæстæйы таможнæйон управлениты специалисттæ истой хайад ацы форумы. Уыцы нымæцы – БРИКС, ШОС, ЕАЭС. Мах фембæлдыстæм æмæ ныхас кодтам Уæрæсейы ФТС къухдариуæджы хæстæ рæстæгмæ æххæстгæнæг Руслан Давидовимæ. Дзырдтам дыууæ ахсджиаг фарстыл. Сæ иу – рæстæгмæ ввозтæ фæхуы-мæтæгдæр уавæрты дæттыны тыххæй. Аннæ фарст дæр риссаг у РХИ-йы таможнæйы комитетæн. Махæн нæ куыстмыздтæ нæ фæфылдæр сты, кæд æмæ сыл дзырд цыд, уæддæр», – радзырдта Цоциты Александр.
Уый ма куыд загъта, афтæмæй архайдзæн канд мызд фæфылдæр кæныл нæ, фæлæ кусджыты аккагæй пенсийы арвитын, сæ бынæттæм сын æвзонг специалисттæ райсын æмæ ног технологитæ ныббиноныг кæныныл. Электронон декларацитæм гæсгæ куыст комитеты ракæндзæн ног æмвæзадмæ. Ацы фарстатæ скъуыддзаг æрцæудзысты 17-æм ноябры г. Цхинвалы Æхсæнхицауадон къамисы рабадты.
Уазæгты Марфа
