УÆЗЗАУ АТЛЕТИКÆ

Ташкенты уагъд æрцыд дунеон турнир уæззау атлетикæйæ. Ерысты æвзист призер ссис ирон штангист Хуыгаты Хетæг. Уый ерыс кодта 96 кг уæзы категорийы. Хетæгæн бантыст 343 кг (156+187) бæрæггæнæн равдисын æмæ уый фæрцы бацахста дыккаг призон бынат.

ДЗЮДО

Францы кæронмæ бахæццæ дзюдойæ дунеон сери «Большой шлем»-ы этап. Уым бронзæ майдан рамбылдта Тасойты Инал. 3-аг бынат бацахсыны тохы Инал фæуæлахиз Гуырдзыстоны минæвар Гела Заалишвилийыл. Æдæппæт ирон богал ерысты акодта 5 тохы æмæ сæ фæуæлахиз цыппары.

ФУТБОЛ

Ног сезонмæ йæхи цæттæ кæны Дзæуджы-хъæуы футболон командæ «Алани». Командæ ныртæккæ цæттæгæнæн сборты ис Турчы. Уым алайнæгтæ акодтой контролон хъазт. Сæ ныхмæлæууæг уыд бразилиаг клуб «Гремио Новоризонтино». Дзæуджыхъæуккаг футболисттæ кæд архайдтой активонæй, уæддæр пурти бакъуырынæн сæ уавæртæй хуыздæр спайда кодта сæ ныхмæлæууæг командæ æмæ хъазт фæцис 2:1 хыгъдæй бразилиæгты пайдайæн. «Алани»-йы сконды пурти бакъуырдта Касаты Алан, кæцы хъазæн фæзмæ рахызт фембæлды дыккаг æмбисы.

ХУРИТЫ Батрадз

Ацы æрмæджытæ дæр бакæс:

Спорт Default Thumbnail2020 азы спортивон æнтыстытæ Default ThumbnailСпорт Историон уæлахизыл сæххæст иу аз Цхинвалы «Спартак» – РЦИ-Аланийы кубокы хицау

Comments are closed, but trackbacks and pingbacks are open.