РХИ-йы Президент Бибылты Анатолийы къухдариуæгадæй уагъд æрцыд Хицауады рабадт, кæцыйы рæстæджы ист æрцыд уынаффæ Таймураз Зурабы фырт Гогиновы Уæрæсейы Федерацийы Республикæ Хуссар Ирыстоны Базарадон минæвары бынаты снысан кæныны тыххæй.
Паддзахады сæргълæууæг куыд банысан кодта, уымæ гæсгæ «Таймураз Гогинов йæхи срекомендаци кодта куыд эффективон менеджер, афтæ, Хуссар Ирыстоны æнтыстджындæр куыстуæттæй сæ иуы æмхицау уæвгæйæ. Уый ма стыр тыхтæ хардз кæны дунеон фæзуæтты республикæйы интерестæ размæ кæныны хъуыддаджы».
Мæскуыйы Хуссар Ирыстоны Æдзухон базарадон минæварад байгом æрцыд базарадон минæварадты сфидар кæныны тыххæй Республикæ Хуссар Ирыстоны Хицауад æмæ Уæрæсейы Федерацийы Хицауады ‘хсæн Сразыдзинады уагæвæрдтæ среализаци кæныны фæдыл куысты фæлгæтты.
Таймураз Гогинов райгуырд 1981 азы 2-æм сентябры. 2003 азы каст фæцис Цæгат Кавказы паддзахадон технологон университет, райста «Финансы и кредит»-ы дæсныйад. 2009 азы каст фæцис УФ-йы Хицауады цур финансон академи цыран райста «Рынок ценных бумаг и биржевое дело»-йы дæсныйадыл.
2003 азы сентябрæй 2005 азы январмæ уыд Республикæ Хуссар Ирыстоны Президенты цур инвестицион программæты департаменты финансист;
2005 азы январæй 2006 азы январмæ куыста экономикæйы фæдыл Республикæ Хуссар Ирыстоны Информаци æмæ мыхуыры паддзахадон комитеты сæрдары хæдивæгæй;
2010 азы январæй 2012 азы декабрмæ уыд арæнгонд бæрндзинады æхсæнад «Концерн ВВ-Груп»-ы уæййæгты хайады хистæр.
2013 азы январæй абоны онг у арæнгонд бæрндзинады æхсæнад «РУССАН»-ы Генералон директор, 2017 азы январæй та – арæнгонд бæрндзинады æхсæнад «Сæнуадзæн «Иронсан»-ы бындурæвæрæг.
Comments are closed, but trackbacks and pingbacks are open.