Ацы аз преми «Золотая маска»-мæ бавдыст æрцыд претендентты рекордон нымæц. 67 театры, 81 спектаклы, 290 номинанты. Уыдоны нымæцы сты Ирыстоны дыууæ минæвары.  Стыр театры музыкалон къухдариуæггæнæг æмæ дирижер Сохиты Тугъан национ театралон премимæ номинацигонд æрцыд Рихард Штраусы оперæ «Соломея»-йы интерпретацийы тыххæй. Оперæ æмæ балеты Пермы театры сæйраг режиссер Гуæцæлты Марат та премимæ номинацигонд æрцыд оперæ «Дон Жуан» сæвæрыны тыххæй, куыд режиссер, афтæ.

Лауреатты нæмттæ бæрæг æрцæудзысты æмæ сæ фехъусын кæндзысты 2022 азы 20-æм апрелы. Хорзæхджын кæныны церемони уагъд æрцæудзæн К.Станиславскийы номыл музыкалон театры сценæйыл. 2022 азы национ театралон премийы номинантты æвзæрстой экспертон советтæ.

Сохиты Тугъан райгуырд горæт Дзæуджыхъæуы 1977 азы 21-æм октябры. 2001 азы каст фæцис Санкт-Петербурджы музыкалон консерватори. 2014 азы уый нысан æрцыд Стыр театры музыкалон къухдариуæггæнæгæй. Ацы аз майы мæйы Сохиты Тугъанæн лæвæрд æрцыд «УФ-йы сгуыхт артист»-ы кадджын ном.

 

Ацы æрмæджытæ дæр бакæс:

Систы документалон кинонывы хъайтартæСисты документалон кинонывы хъайтартæ Ног директор радзырдта театры проблемæты æмæ дарддæры плæнтты тыххæй Ахсджиаг цау нæ республикæйы культурон царды Оперон музыкæйы уацары Рæстæджы зиууон – Жан-Жак

Comments are closed, but trackbacks and pingbacks are open.