Уæрæсейы

ПАДДЗАХАДОН ЛӔГГӔДТЫ ПОРТАЛЫ ФӔРЦЫ

Уӕрӕсейы хицауад дарддӕр кусы, Паддзахадон лӕггӕдты порталы фӕрцы цы гӕнӕнтӕй спайдагӕнӕн ис, уыдон фӕуӕрӕхдӕр кӕныныл. Афтӕмӕй, 2022 азы 1-ӕм июлӕй фӕстӕмӕ бирæвæрсыг центрты уыдзӕн райсӕн гӕххӕттын ӕвдисӕндартӕн сӕ электронон дубликат. Алкӕмӕн дӕр уыдзысты Паддзахадон лӕггӕдты порталы йӕхи кабинеты.

Спайдагӕнӕн сӕ уыдзӕн барадон уагдӕтты ӕмӕ ӕндӕр рӕттӕм хъӕугӕ курдиӕттӕ ӕрвитгӕйӕ. Документты хыгъдмӕ хауынц: ӕфсӕддон билет, фӕсарӕйнаг паддзахады лӕвӕрд ӕмкъайады ӕвдисӕндар, уымӕн уырыссаг ӕвзагмӕ йӕ тӕлмац нотариусы къухӕвӕрдимӕ, фӕллойадон чиныг, ахуырад ӕмӕ квалификацийы дипломтӕ æмæ æндæр хъæугæ документтæ.

Уыдонимӕ ӕндӕр паддзахадты лӕвӕрд дипломтӕ ӕд тӕлмацтӕ нотариалон ӕгъдауӕй фи-даргондӕй. Ӕдӕппӕт Уӕрӕсейы Хицауады уынаффӕйы ис документты 19 хуызы.

 

ИУХАТТОН ФИДДОН – ПРЕЗИДЕНТЫ УЫНАФФÆМÆ ГÆСГÆ

Фæйнæ 50 мин сомы райсдзысты, «За оборону Ленинграда» майданæй æмæ «Жителю блокадного Ленинграда» нысанæй хорзæхгонд чи сты, уыцы ветерантæ. Иухаттон фиддон президенты уынаффæмæ гæсгæ бафиддзысты ноябры пенсиимæ кæнæ æндæр социалон æххуысимæ иумæ. Цæгат Ирыстоны æмбæлы 10 пенсиисӕгӕн.

Ахæм æххуыс баст у, Фыдыбæстæйы Стыр хæсты рæстæг, Ленинграды «Дороги жизни» куы бакодтой, уыцы бонимæ. Блокадæйы рæстæг ацы фæндаг адæмæн уыд хойрагæй æмæ фæцæрынæн æндæр хъæугæ дзаумæттæй сифтонг кæнынæн иунæг фæрæз.