Сохиты Тугъан æмæ Уазиты Махар систы Стыр театры царды тыххæй документалон кинонывы хъайтартæ. Киноныв «Большой Сезон»-ы премьерæ баст у Уæрæсейы паддзахадон академион Стыр театримæ, кæцыйы премьерæ уыдзæн 24-æм декабры он-лайн-кинотеатр КIОN-ы. Кинонывы хъайтартæ, сæрмагондæй систы Стыр театры генералон дирек-тор Владимир Урин, сæйраг дирижер Сохиты Тугъан, балетон труппæйы сæргълæууæг Уазиты Махар, примæ-балеринæ Светлана Захарова æмæ æндæртæ, — хъусын кæны ТАСС.
Онлайн-кинотеатр КIОN фехъусын кодта документалон кинонывы эксклюзивон дунеон премьерæйы тыххæй. Стыр театр паддзахы рæстæджытæй абоны онг у уæрæсейаг культурæйы символ. Алыгъуызон историон рæстæджытæн бафæразгæйæ, уый баззад курдиатджын æххæстгæнджыты, уæрæх публикæйы центрæй, аивады ног уацмысты стыр традицитæ хъахъхъæнгæйæ. Документалон кинонывы автортæ бафæлвæрдтой, дунейы музыкалон театрты хуыздæртæй иуы цард равдисынмæ, чи дзы кусы, уыдонимæ базонгæ уæвын, уый тыххæй Стыр театры 246-æм постпандемион сезоны драмон моменттæ равзаргæйæ. Киноныв дих у цыппар архайдыл, кæцытæ равдисдзысты Стыр театр куыд цæры æппæт театралон сезоны спектаклтæ цæттæ кæныны рæстæджы, цыран кульминаци суыдзæн ногазон балет «Щелкунчик».
