Сербаг Республикæйы Президент Милорад Додик раарфæ кодта Хуссар Ирыстоны адæмæн æрбалæугæ Ног азы цытæн.
20 декабры Республикæ Хуссар Ирыстоны офицалон минæвар Сербаг Республикæйы Уалыты Гела фембæлд Сербаг Республикæйы Президент Милорад Додикимæ.
Фембæлды уынаффæ кодтой дыууæ республикæты ‘хсæн æмгуыстады фарстатыл. Ныхас цыд Хуссар Ирыстоны базарадон, культурон æмæ экономикон минæварад Босни æмæ Герцеговинæйы байгом кæныны тыххæй.
Фембæлды кæрон Милорад Додик раарфæ кодта Хуссар Ирыстоны æппæт чырыстонтæн æмæ адæмæн, йæ цæст сын бауарзта æнæниздзинад, фæрныгад, сабырад, уарзондзинад æмæ дидинæфтыд.
Уалыты Гела бузныджы ныхæстæ загъта Хуссар Ирыстоны Президенты номæй Милорад Додикæн, дыууæ республикæйы ‘хсæн æмгуыстады рæзты хъуыддагмæ йæ хайбавæрды тыххæй, æмæ йæ фидæн азы фæхуыдта Хуссар Ирыстонмæ.
Милорад Додик бузныджы ныхæстæ загъта Президент Гаглойты Аланæн æмæ банысан кодта, зæгъгæ, æхсызгонæй райсдзæн паддзахады сæргълæууæджы фæхуынд.
