Республикæ Хуссар Ирыстоны Президент Бибылты Анатоли раарфæ кодта Босни æмæ Герцеговинæйы Президиумы Сæрдар Милорад Додикæн йæ райгуырæн боны цытæн.

Арфæйы телы дзырдæуы:

«Цытджын Сæрдар!

Айс мæ иууыл хуыздæр арфæтæ дæ райгуырæн боны цытæн!

Дæ сæрмагонд миниуджытæ, Фыдыбæстæйыл æнувыддзинад, нысанмæтырнындзинад, æхсардзинад æмæ адæмыл иузæрдыгдзинад дын фадат радтой хорз æнтыстытæ, æнæцудгæ авторитет æмæ Сербаг Республикæйы æппæт адæмы кадкæнынад.

Ныфс мæ ис, хæларадон ирон-сербаг ахастытæ дарддæр кæй фидар кæндзысты æмæ рæздзысты нæ адæмы хæрзиуæгæн.

Мæ цæст дын уарзы фидар æнæниздзинад, фæрныгад æмæ амонд».

***

Республикæ Хуссар Ирыстоны Президент Бибылты Антоли раарфæ кодта Луганскы Адæмон Республикæйы сæргълæууæг Леонид Пасечникæн йæ гуырæн боны цытæн.

Арфæйы телы дзырдæуы:

«Цытджын Леонид Иваны фырт!

Айс мæ иууыл зæрдиагдæр арфæтæ дæ гуырæн боны цытæн.

Бæрзонд паддзахадон бынаты дæ æнтыстджын архайдæй ды райстай æмзæххонты аккаг кадкæнынад куыд дардмæуынæг паддзахадон архайæг, кæцы æппæт тыхтæ дæр дæтты бæстæйы социалон-экономикон рæзтæн æмæ йæ интерестæ хъахъхъæнынмæ.

Ныфс мæ ис, нæ адæмы ‘хсæн хæларадон æмæ кæрæдзийæн кад кæныны  ахастытæ дарддæр кæй фидар кæндзысты æмæ рæздзысты Республикæ Хуссар Ирыстон æмæ Луганскы Адæмон Республикæйы адæмы хæрзиуæгæн.

Мæ цæст дын уарзы, цытджын Леонид Иваны фырт, фидар æнæниздзинад, æнтыстытæ æмæ оптимизм. Уадз æмæ дæ зонындзинæдтæ, фæлтæрддзинад æмæ куырыхондзинад фадат дæдтой раст уынаффæтæ райсынæн цыфæнды уавæрты дæр».

***

Республикæ Хуссар Ирыстоны Президент Бибылты Анатоли раарфæ кодта Хъæрæсе-Черкескы Республикæйы сæргълæууæг Рашид Темрезовæн йæ гуырæн боны цытæн.

Арфæйы телы дзырдæуы:

«Цытджын Рашид Бориспийы фырт!

Айс иууыл хъармдæр арфæтæ дæ райгуырæн боны цытæн!

Дæ адæймагон миниуджытæ, политикон бар, хъæппæрис æмæ профессионализм аккаг сты дæуæн аргъ кæнынæн æрмæст Республикæ Хъæрæсе-Черекескы нæ, фæлæ йæ арæнтæй ахизгæйæ.

Уадз æмæ æппæт тыхтæ, кæцытæ здæхт сты дæ республикæйы рæзтмæ, экономикæ æмæ культурæйы рæзтмæ райсой аккаг æмбарындзинад æмæ æууæнкдзинад.

Ныфс мæ ис, Республикæ Хъæрæсе-Черкескы сæргълæууæджы бынаты дæ архайд дарддæр кæй ахъаз кæндзæн не ‘фсымæрон республикæты ‘хсæн хæлардзинад æмæ æмцæдисдзинады ахастытæ дарддæр рæзын кæнынмæ.

Мæ цæст дын уарзы, цытджын Рашид Бориспийы фырт, фидар æнæниздзинад, фæрныгад æмæ æппæт профессионалон æмæ цардуагон плæнттæ реализаци кæныны æнтыстытæ».

Comments are closed, but trackbacks and pingbacks are open.