Цытджын Алан Эдуарды фырт!
Айс иууыл зæрдиагдæр арфæтæ уæ бæстæйы хæдбардзинады æхсæнадæмон банымадыл 15 азы сæххæсты цытæн.
Фынддæс азы размæ Уæрæсейы Федераци райста уынаффæ Республикæ Хуссар Ирыстоны Паддзахадон суверенитет банымайыны тыххæй, йе ‘мбæстæгтæ сæрибар фæндон нымайгæйæ, ИНО-йы уставы уагæвæрдыл æмæ æндæр бындуриуæггæнæг æхсæнадæмон документтæй къухдариуæггæнгæйæ.
Зын тохы сæрибардзинад бахъахъхъæнгæйæ, хуссарирыстойнаг адæм æнтыстджынæй рæзын кæнынц демократон паддзахаддзинады институттæ. Нæ бæстæты ‘хсæн ахастытæ рахызтысты æмцæдисад æмæ интеграцийы ног æмвæзадмæ. Уæрæсе стыр хъусдард дары масштабон проекттæ реализаци кæнынмæ, кæцытæ здæхт сты республикæйы инфраструктурæ фæхуыздæр кæнынмæ, йæ цæрджыты царды æмвæзад фæбæрзонддæр кæнын æмæ социалон æгъдауæй бахъахъхъæнынмæ.
Уырны мæ, иумæйаг тыхтæй æппæт здæхтыты дæр мах дарддæр кæй уæрæх кæндзыстæм конструктивон дыууæварсон бастдзинæдтæ, æмæ æхсæнадæмон аренæйы партнерон æмархайд.
Мæ цæст дын уарзы, Алан Эдуарды фырт, фидар æнæниздзинад, æнтыстытæ, æппæт æмбæстæгтæн та сабырад, амонд æмæ фæрныгад.
Уæрæсейы Федерацийы Президент Владимир ПУТИН
***
Республикæ Хуссар Ирыстоны хæдбардзинад банымайыныл 15 азы сæххæсты боны цытæн ма Президент Гаглойты Аланæн раарфæ кодтой: Мæскуыйаг æмæ æппæт Уæрæсейы Патриарх Кирилл, Сириаг Арабаг Республикæйы Президент Башар Асад, УФ-йы Æдасдзинады советы секретарь Николай Патрушев, УФ-йы Æдасдзинады советы секретары хæдивæг Рашид Нургалиев, Хъæрæсе-Черкесийы сæргълæууæг Рашид Темрезов, Краснодары крайы губернатор Вениамин Кондратьев, Адыгейы Республикæйы сæргълæууæг Марат Кумпилов, Сербаг Республикæйы президент Милорад Додик, Мæскуыйы Сербаг Республикæйы минæварады сæргълæууæг Душко Перович, РЦИ-Аланийы сæргълæууæг Сергей Меняйло, РЦИ-Аланийы Хицауады сæрдар Дзанайты Барис, Псковы областы губернатор Михаил Ведерников, «РОССОЮЗСПАС»-ы Уæлдæр Советы сæрдар, УФ-йы сгуыхт ирвæрзынгæнæг Алексей Дударев, Воронежы областон æхсæнадон организаци «Ирон æхсæнад «ФАРН»-ы сæрдар, Воронежы областон æхсæнадон организаци «Кавказы адæмты Координацион совет»-ы вице-президент, Воронежы областы губернаторы цур национ палатæйы уæнг Бестауты Уырызмæг, Хъырымы Республикæйы РЦИ-Аланийы æмæ федералон нысаниуæджы горæт-Севастополы официалон минæвар Валери Савлаев, Хуссар Ирыстоны хæстон архайдтыты ветеран Анатоли Баранкевич, Публикон акционерон æхсæнад «Сбербанк России»-йы правленийы сæрдар Герман Греф, УФ-йы РХИ-йы Уæлвæткон æмæ Æххæстбарджын минæвар Гасситы Знауыр, УФ-йы Паддзахадон думæйы Коммунистон партийы фракцийы къухдариуæггæнæг, ЦК КПРФ-ы сæрдар Геннади Зюганов, Дзæуджыхъæуккаг æмæ Алайнаг Архиепископ Герасим, Ленинграды областы губернатор Александр Дрозденко, Санкт-Петербургы Губернатор Александр Беглов, Абхазы президент Аслан Бжания, Приднестроваг Молдаваг Республикæйы президент Вадим Красносельский, Дагъыстаны Республикæйы сæргълæууæг Сергей Меликов, Хъырымы Республикæйы сæргълæууæг Сергей Аксенов, Цæцæны Республикæйы сæргълæууæг Рамзан Кадыров.
