РХИ-йы Президенты бахæсмæ гæсгæ спортивон инвентарæй сифтонг кодтой горæт Къуайсайы фæсивæды. Инвентарь самал кодтой Гаглойты Аланы бахæсмæ гæсгæ парти «Ныхас»-ы руаджы.
«Мах аскъуыддзаг кодтам ацы процессы хайад райсын, нæ хайбавæрд æмбахæссын. Республикæйы столицæ æмæ районты рæзгæ фæлтæрæн ахсджиаг у спорты рæзт», – загъта парти «Ныхас»-ы сæрдар Бесаты Зитæ.
Горæт Къуайсайы сæргълæууæг Хуыгаты Алан бузныджы ныхæстæ загъта президентæн, фæсивæдæн ахæм лæвар кæй сарæзта, уый тыххæй.
«Дыууæ къуыри дæр нæма рацыд, афтæ президент сæххæст кодта фæсивæдæн цы ныфс бавæрдта, уый – балæвар сын кодта спортивон инвентарь æмæ йын уый тыххæй дзурæм стыр бузныг», – загъта уый.
Горæт Къуайсайы цæрджытæн спортивон инвентарь радтой президенты æххуысгæнæг Плиты Алан æмæ президенты Администрацийы сæргълæууæджы хæдивæг Тыбылты Алан.
Уый размæ, Къуайсамæ йæ балцы рæстæджы, горæты цæрджытæ бахатыдысты паддзахады сæргълæууæгмæ бынæттон спортивон залы спортинвентарь сног кæныны тыххæй.
