Знауыры районы Уисты хъæуы гуырдзиаг поли-циæгтæ æнæзакъонон пост куы æрæвæрдта, уæдæй фæстæмæ Инциденттæ ма ‘руадзын æмæ сæм хъусдард здахыны фæдыл механизмты куыст фæстаг рæстæджы уæззаугай цæуы.
Механизмты форматы фæлгæтты сæйраг цы фарстыл дзырд цæуы, уый у Хуссар Ирыстоны паддзахадон арæнты æдасдзинад.
Механизмты форматы хуссарирыстойнаг делегацийы сæргъ-лæууæг Коцты Егор, фембæл-дæн фæстиуджытæ аразгæйæ, банысан кодта, боны фæткы дзырд кæй цыд Механизмты фæлгæтты фæстаг фембæлдæй фæстæмæ Хуссар Ирыстон æмæ Гуырдзыстоны арæнгæрон территоритыл бынат цы инциденттæн уыд, уыдоныл. Уыдон, сæйраджы-дæр, сты нæ республикæйы уæлдæфон тыгъдад æппынæдзух халын æмæ Уисты хъæуы æнæзакъонон гуырдзиаг полициæгты пост сисыны фарстытæ.
Хуссар Ирыстонæй делегацийы сæргълæууæг куыд банысан кодта, уымæ гæсгæ ма рæгъмæ хаст æрцыдысты Хуссар Ирыстонæн Гуырдзыстоны ‘рдыгæй фарс паддзахадон арæнтæ халыны цаутæ. Уый ныртæккæ коронавирусон низ рапарахатæй фæстæмæ тынг актуалон у. Бæрæг куыд у, уымæ гæсгæ та Гуырдзыстоны территорийыл бæрæг фылдæр кæны ацы вирусæй рынчынты нымæц. Гуырдзыстоны фарсæрдыгæй хайадисджытæ куыд фехъусын кодтой, уымæ гæсгæ уый фылдæр баст у, Ачъарайы туристон сезон кæй байгом, уыимæ. Уым рынчынты нымæц бæрæг фылдæр у. Фæ-лæ, уымæ нæ кæсгæйæ, Гуырдзыстоны бонæй-бонмæ уæд-дæр фылдæр кæны рынчынты нымæц.
Ныхасгæнæг куыд банысан кодта, уымæ гæсгæ Гуырдзыстоны ‘рдыгæй фæстаг дыууæ мæйы дæргъы Хуссар Ирыстоны паддзахадон арæнтæ фехæлдтой 10 адæймаджы бæрц. Инфекцион низæй тæссаг уавæртæ хынцгæйæ, уыдон фæстæмæ æрвыст æрцæуынц Гуырдзыстоны территоримæ.
Уæддæр æмæ уæддæр механизмты форматы куысты хуссар-ирыстойнаг хайадисджытæ сæй-рагыл нымайынц Уисты хъæуы æнæзакъонон гуырдзиаг блокпост сисыны фарст.
«Гуырдзиаг полициæгты пост иу азæй фылдæры размæ æвæрд æрцыд цæрæн пункт Уистæм хæстæг. Уый фæдыл мах но-джыдæр фехъусын кодтам хуссарирыстойнаг фарсы домындзинад, цæмæй иуварс æрцæуой нæ территорийæ сæ полициæгтæ», – банысан кодта Коцты Егор.
Инциденттæ ма æруадзын æмæ сæм хъусдард здахыны фæдыл механизмты фæлгæтты хайадисджытæ куыд бауынаффæ кодтой, уымæ гæсгæ радон фембæлд уагъд æрцæудзæн ноябры мæйы дыккаг æмбисы.
Нæ уацх.
Къам – «Спутник Южная Осетия»-йæ
Comments are closed, but trackbacks and pingbacks are open.