РХИ-йы Хицауады Сæрдар Пухаты Эрик фембæлд кусæгон къорды хуссарирыстойнаг хайы уæнгтимæ, кæцы арæзт æрцыд иумæйаг куыстуат, гом акционерон æхсæнад «Газпром-Хуссар Ирыстон»-ы дарддæры архайды тыххæй Республикæ Хуссар Ирыстоны Хицауад æмæ паддзахадон акционерон æхсæнад «Газпром»-ы ‘хсæн сразыдзинады фæлгæтты.

Кусæгон къорды сæргъ лæууы Сæудæджерад, транспорт æмæ энергетикæйы комитеты сæрдар Кокойты Геннади æмæ йе сконды сты фондз профилон министрад æмæ ведомствойы, уыцы нымæцы Юстицийы министрад дæр.

Фембæлды уынаффæ цыдис, Мæскуыйы иумæйаг ра-бадты кæуыл бакуыстæуыд, уыцы «фæндагон картæйыл».

Газификацийы фæдыл цалынмæ арæзтадон-цалцæггæнæн куыстытæ нæ райдайой, уæдмæ уал хуссарирыстойнаг фарсы хъæуы стыр цæттæгæнæн куыст бакæнын закъондæттынадон æмæ техникон документаци бацæттæ кæныныл, кæцы баст у республикæйы территоримæ газ уадзын, транспортировкæ, дих кæнын æмæ æфснайынимæ, афтæ ма газы инфраструктурæйы объектты арæзтад æмæ эксплуатацимæ радтынимæ.

Зæрдыл лæууын кæнæм, паддзахадон акционерон æхсæнад «Газпром» фондз азмæ 2 миллиард сомы кæй бахардз кæндзæн, компани «Газпром-Хуссар Ирыстон»-ы чи у, уыцы газы комплексы объектты модернизаци æмæ реконструкци кæныныл.

Республикæйы газификацийы фæдыл куыстытæм æрæвналдæуыдзæн 2019 азы.

Ацы æрмæджытæ дæр бакæс:

ПУХАТЫ Эрик: «Республикæйы газификацийæн уыдзæн стыр æвæрццаг ахадындзинад» Æруынаффæ кодтой РХИ æмæ УФ-йы ‘хсæн сразыдзинады сæххæст кæныны фарстытыл Default ThumbnailРеспубликæ Хуссар Ирыстоны Парламенты Уынаффæ Default ThumbnailХЪУЫЛЫМБЕГТЫ Доменти: «Дарддæр куыст цæуы æмдзæрæндæтты цардуагон уавæртæ фæхуыздæр кæныныл» РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.