Республикæ Хуссар Ирыстоны Хицауады Уынаффæ

Знауыры районы администрацийы сæргълæууæджы хæдивæг Дзанайты Гиви Магомеды фырты йæ бынатæй ссæрибар кæныны тыххæй

Дзанайты Гиви Магомеды фырт сæрибар æрцæуæд Знауыры районы администрацийы сæргълæууæджы хæдивæджы бынатæй.

Республикæ Хуссар Ирыстоны Хицауады

Сæрдар  Пухаты Эрик

2019 азы 25 январь

 

Республикæ Хуссар Ирыстоны Хицауады Уынаффæ

«Республикæ Хуссар Ирыстоны пенситы тыххæй» Республикæ Хуссар Ирыстоны Закъонмæ гæсгæ Республикæ Хуссар Ирыстоны Хицауад уынаффæ кæны:

1. Фидар æрцæуæд фæдзæхстадон пенситы бæрцтæ:

7 750 сомы  зæронды кармæ гæсгæ кæнæ та æххæст фæдзæхстадон стажимæ æмбæлон кусгæ азты тыххæй пенси;

8 000 сомы – 1 къорды инвалиддзинады тыххæй пенси;

7 750 сомы – 2 къорды инвалиддзинады тыххæй пенси;

4 000 сомы – 3 къорды инвалиддзинады тыххæй пенси;

3 750 –  дарæджы фесафыны тыххæй пенси;

6 510 сомы – ныййарджытæ кæмæн нæй, ахæм сидзæртæй алкæмæн дæр пенси;

1 000 сомы  – 1 къорды инвалидтæ æмæ 80 азы кæуыл сæххæст, уыдонæн сæ пенсимæ уæлæмхас бафыст.

Банысангонд бæрцтæ 200 сомы фылдæр кæнынц, 18 азы онг кæуыл цæуы, уыцы даринæгтæй алкæйы тыххæй дæр.

2. Фидар æрцæуæд социалон пенситы бæрцтæ:

11 620 сомы – 1 къорды æфсæддон травмæйы фæстиуæгæн инвалиддзинады тыххæй пенси;

9 100 сомы – 2 къорды æфсæддон травмæйы фæстиуæгæн инвалиддзинады тыххæй пенси;

5 200 сомы – 3 къорды æфсæддон травмæйы фæстиуæгæн инвалиддзинады тыххæй пенси;

6 510 сомы – гуырдзæй 1 къорды инвалидтæ, 1 къорды инвалидтæ, сывæллæттæ-инвалидтæ, дыууæ ныййарæджы, кæнæ йæ иунæг мады чи фесæфта, ахæм сывæллæттæн пенси;

6 250 сомы – гуырдзæй 2 къорды инвалидтæн пенси;

3 250 сомы – 3 къорды инвалидтæн æмæ 65 азы кæуыл сæххæст (нæлгоймæгтæ) æмæ 60 азы кæуыл сæххæст (сылгоймæгтæ), уыцы æмбæстæгтæн пенситæ;

3 750 сомы – дарæджы амæлæты фæстæ алы æвджидадæн пенси;

3 900 сомы – 18 азы онг кæуыл цæуы, ахæм инвалид сывæллонмæ кæнæ гуырдзæй 1 къорды инвалидмæ кæсыны тыххæй æгуыст куыстхъом адæймæгтæн пенси;

1 000 сомы – 80 азы кæуыл сæххæст, уыцы æмбæстæгтæн æмæ медицинон уагдоны хатдзæгмæ гæсгæ æдзух кæсын кæмæ хъæуы, 1 къорды ахæм инвалидтæн сæ пенситæм уæлæмхас бафыст.

Республикæ Хуссар Ирыстоны Хицауады Сæрдар

Пухаты Эрик

2019 азы 25 январь