РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

Республикæ Хуссар Ирыстоны æнæкусæгон бонтæ расидыны тыххæй

Ног коронавирусон инфекци кæй парахат кæны, уымæ гæсгæ Республикæ Хуссар Ирыстоны территорийыл цæрджыты санитарон-эпидемиологон хæрзвадат сифтонг кæныны нысанæн, Республикæ Хуссар Ирыстоны Конституцийы 47 статьямæ гæсгæ уынаффæ кæнын:

1. 2020 азы 21 апрелæй 30 апрелмæ нымад æрцæуæт æнæкусгæ бонтыл кусджытæн сæ куыстмызд нæ бауромгæйæ.

2. Ацы Барамынд нæ хауы ахæм организацитæм (куыстæуæтты къухдариуæггæнджытæ æмæ сæ кусджытæн):

а) æдзух архайæг организацитæ;

б) медицинон æмæ аптекæйон организацитæ;

в) цæрджыты хæлцадон продукттæ æмæ æнæмæнгхъæуæг товартæй ифтонггæнæг организацитæ;

г) Цардæн, æнæниздзинадæн æмæ цæрджыты нормалон уавæртæн тас æвзарынгæнæг уæлвæткон уавæрты æмæ (кæнæ) низ апарахат кæныны тасдзинад фæзыныны рæстæджы, æвæстиат куыстытæ æххæстгæнæг организацитæ, кæнæ та æндæр уавæрты, кæцытæ тас æвзæрын кæнынц царды, æнæаргъæвгæ куыстытæ æххæстгæнæг организацитæ;

д) æнæаргъæвгæ цалцæггæнæн æмæ æвгæнæг-æвдæлонгæнæг куыстытæ  æххæстгæнæг организацитæ;

е) æнæаргъæвгæ финансон лæггæдтæ æххæстгæнæг организацитæ; (фыццаджыдæр ахыгъдтæ æмæ бафыстыты фæдыл лæггæдтæ);

ж) стратегион куыстуæттæ æмæ æнæаргъæвгæ арæзтадтæ, кæцыты номхыгъд сфидар кодта Республикæ Хуссар Ирыстоны Экономикон рæзты министрад.

г) Уæлвæткон уавæрты æмæ (кæнæ низ апарахат кæныны тасдзинады рæстæджы, афтæ ма цардæн, æнæниздзинадæн æмæ цæрджыты нормалон уавæртæн тасдзинады рæстæджы

3. Паддзахадон органтæ, паддзахадон æнæбюджетон фондты управленийы органтæ сбæлвырдкæнæд, 2020 азы 21 апрелæй 30 апрелмæ ацы органты архайд ифтонггæнæг кусджыты нымæц.

4. паддзахадон дзыллон информацион фæрæзты рауагъд æххæстгæнæг организацитæ сбæрæг кæнæт,  2020 азы 21 апрелæй 30 апрелмæ   ацы организациты  архайд æххæстгæнæг кусджыты нымæц.

5. Ацы Барамынд йæ тыхы цæуы къух ыл æрфыссыны бонæй.

Республикæ Хуссар Ирыстоны

Президент БИБЫЛТЫ Анатоли

г.Цхинвал, 2020 азы 17 апрель