РЕСПУБЛИКÆ ХУССАР ИРЫСТОНЫ ПРЕЗИДЕНТЫ БАРАМЫНД

Республикæ Хуссар Ирыстоны æнæкусгæ бонтæ расидыны тыххæй

Ног коронавирусон инфекци кæй парахат кæнын, уымæ гæсгæ Республикæ Хуссар Ирыстоны территорийыл цæрджыты санитарон-эпидемиологон хæрзвадат сифтонг кæныны нысанæн, Республикæ Хуссар Ирыстоны Конституцийы 47 статьямæ гæсгæ уынаффæ кæнын:

1.2020 азы 12 майæ 28 маймæ нымад æрцæуæт æнæкусгæ бонтыл кусджытæн сæ куыстмызд нæ бауромгæйæ.

2.Ацы Барамынд нæ хауы ахæм организацитæм (куыстæутты къухдариуæггæнджытæ æмæ сæ  кусджытыл):

а) æдзух архайæг организацитæ;

б) медицинон æмæ аптекæйон организацитæ;

в) цæрджыты хæлцадон продукттæ æмæ фыц-цаг æнæмæнгхъæуæг товартæ ифтонггæнæг организацитæ;

г) цардæн, æнæниздзинадæн æмæ цæрджыты нормалон уавæртæн тас æвзарынгæнæг уæлвæткон уавæрты æмæ (кæнæ) низ апарахат кæныны тасдзинад фæзыныны рæстæджы, æвæстиат куыстытæ æххæстгæнæг организацитæ кæнæ та æндæр уавæрты, кæцытæ тас æвзарын кæнынц царды, æнæаргъæвгæ куыстытæ æххæстгæнæг организацитæ;

д) æнæаргъæвгæ цалцæггæнæн æмæ æвгæнæн-æвдæлонгæнæн куыстытæ æххæст-гæнæг организацитæ;

е) æнæаргъæвгæ финансон лæггæдтæ æххæстгæнæг организацитæ; (фыццаджыдæр, ахыгъдтæ æмæ бафыстыты фæдыл лæггæдтæ);

ж) стратегион куыстуæттæ æмæ æнæаргъæвгæ арæзтадтæ, кæцыты номхыгъд фидар у Республикæ Хуссар Ирыстоны Экономикон рæзты министрады.

3. Паддзахадон органтæ, паддзахадон æнæбюджетон фондты управленийы органтæ сбæл-вырд кæнæд,  2020 азы 12 майæ 31 маймæ  ацы органты архайд ифтонггæнæг кусджыты нымæц.

4. Паддзахадон дзыллон-информацион фæрæзты рауагъд æххæстгæнæг организацитæ сбæрæг кæнæд 2020 азы 12 майæ 31 маймæ  ацы организациты архайд æххæстгæнæг кусджыты нымæц.

5. Ацы Барамынд йæ тыхы цæуы къух ыл æрфыссыны бонæй.

Республикæ Хуссар Ирыстоны Президент БИБЫЛТЫ Анатоли

г.Цхинвал, 2020 азы 8 май